Þrátt fyrir óvild Karólínu Pussy megum vér þakka fyrir

Það er vægast sagt niðurlægjandi viðbjóður fyrir oss Íslendinga að búa við höfuðborg sem lítur út eins og slorugt vertíðarbæli í augum gáfaðra og forframaðra útlendinga af háu menningarstigi. Og ekki er vel gott ef vor glæsilega borgarastétt fer að fá á tilfinninguna að hún sé, þegar öllu er á botninn hvolft, ekki annað en samansafn illa lyktandi kotkurfa og skítugra fiskkellinga af torfkofastandi. Það veit enda ekki á gott þegar frægar blaðakonur á borð við Carol Pucci, sem ég ætla að leyfa mér að kalla Karólínu Pussy uppá íslensku, taka sig til og skrifa níðgreinar um oss í virðuleg heimsblöð og ausa oss dylgjum um allrahanda ómennsku eins og okur á bjórdrykkjum; hún gæti allt eins kallað oss hreint út brennivínsprangara og glæpamenn sem séu þessa dagana í óðaönn við að skríða aftur inní moldarkofa sautjándu aldarinnar. Þá getur ólánsskepnan Karólína Pussy ekki á sér setið að leggja lykkju á leið sína þeirra erinda að hæðast að stolti allra íslendinga, Hallgrímskirkju, en henni líkir hún við hlægilega geimflaug. Það er hægt að særa eina þjóð með vægari munnsöfnuði. Ég man vel þá tíð, þegar Hallgrímskirkja var að fullu risin, að vér kölluðum hana fullir aðdáunnar, ,,Drottins Dýrðar Drelli" og tókum ofan fyrir framförunum og menningunni.

En þrátt fyrir ótrúlegan óvildarhug Karólínu Pussy í garð Íslands og íslensku þjóðarinnar megum vér þakka Skaparanum og öllum góðum vættum fyrir að hún sá ekki Kárahnjúkavirkjun, álverið í Reyðarfirði, Landeyjahöfn og Össur Skarphéðinsson og hélt að tónlistarhöllin Harpa væri fiskverkunarhús í byggingu. 

Reykjavík eins og fiskiþorp

Athugasemdir

[Vendetta, 26.12.2010 kl. 22:29]

Carol Pucci hefur mikið til síns máls. Mér finnst að Íslendingar eigi að hætta að þykjast vera eitthvað sem þeir eru ekki og sætta sig við það sem þeir eru. Þessi íslenzka athyglissýki er vægast sagt fáránleg. Það fer aulahrollur um mann þegar íslenzkir fjölmiðlar eru  að vakta erlenda fjölmiðla 24/7 í von um að það standi eitthvað um Ísland eða Íslendinga.

Og Reykjavík er ljótasta höfuðborg í Evrópu og þótt víðar væri leitað. Og leiðinlegasta. Þessu síðarnefnda þyrfti að breyta. Ekki fyrir útlenzka ferðamenn, heldur fyrir fólk eins og mig sem vill sjá smá líf í tuskunum. Alltaf þegar ég fer niður í miðbæ á laugardagskvöldi þá fæ ég þá tilfinningu að ég sé staddur á bænasamkomu Votta Jehóva.

[Jóhannes Ragnarsson, 26.12.2010 kl. 22:36]

Þakkaðu fyrir að fá ekki aulaböll í staðinn fyrir aulahroll þegar þú stendur andspænis íslenskum fjölmiðlum.

[Níels A. Ársælsson., 26.12.2010 kl. 22:57]

He he he aulaböll.......

[Vendetta, 26.12.2010 kl. 23:55]

Ég er ekki alveg að ná þessum brandara þínum. Samt hef ég mjög góða kímnigáfu. Hlýtur að vera snæfellsk fyndni.

[Óskar Ingi Gíslason, 27.12.2010 kl. 06:31]

  "En þrátt fyrir ótrúlegan óvildarhug Karólínu Pussy í garð Íslands og íslensku þjóðarinnar megum vér þakka Skaparanum og öllum góðum vættum fyrir að hún sá ekki Kárahnjúkavirkjun, álverið í Reyðarfirði, Landeyjahöfn og Össur Skarphéðinsson og hélt að tónlistarhöllin Harpa væri fiskverkunarhús í byggingu."

Kanski ef hún hefði séð þessa hluti hefði hún skrifað jákvæðara um Ísland. T.d. Kárahjúkavirkjun er tækniundur og ein flottasta virkjun sem hefur verið smíðuð í heiminum. Landeyjarhöfn er bara snilld, þetta gæti orðið aðal uppskipunnar höfn okkar íslendinga í framtíðinni. Annars góð grein hjá henni hún sér að kommunista stjórin sem við þurfum að búa við er að gera Ísland að leiðinlegu landi! 

[Óskar Ingi Gíslason, 27.12.2010 kl. 06:37]

Og btw. það er kommunista stjórninni okkar að kenna að allt skemmtilegt er orðið svo dýrt hérna með sínum neyslustýringar sköttum eins og til dæmis með áfengið og sykurskattinn. Sem btw, skila eingu í kassann.

[Jóhannes Ragnarsson, 27.12.2010 kl. 08:35]

Jæja Óskar minn Ingi, getur ekki verið að það sé eitthvert samband á milli hins góða og skemmtilega kapítalisma og efnahagshrunsins sem varð hér fyrir tveimur árum?

[Sigurbjörg Sigurðardóttir, 27.12.2010 kl. 14:05]

Skemtilegur pistill hjá þér.

[maggi220 (IP-tala skráð) 27.12.2010 kl. 15:10]

Hérna fann ég grein frá sama blaðamanni frá því í nóvember og þar talar hún ágætlega um Ísland, Virðist aðallega hafa farið á einhverja túristastaði samt   

[maggi220 (IP-tala skráð) 27.12.2010 kl. 15:10]

úps gleymdi linknum: http://carolapucci-tips.blogspot.com/2010/11/iceland.html