Stórmæli bráðgáfaðra manna koma heiminum til að standa á öndinni

Það er áreiðanlega mikið gert með það um allann heim hvað Bjarni Ben. segir um ,,njósnatölvumálið." Enda er hann bráðgáfaður, af Engeyjarætt og úr Garðabænum, - já, og Hrunverji. Betra getur það varla verið.

En dálítið er það skrýtið að þingmenn skuli ekki hafa vitað af þessu dulafulla máli fyrr en nú. Er ekki svona endemis pukur brot á ríkisstjórnarsáttmálanum, kaflanum sem fjallar um dægileg loforð eins og ,,gangnsæi," ,,opna stjórnsýslu" og fleira flott í þeim dúr ? Eða eru Jóhanna og Steingrímur engu skárri í leyndarpukri en gamla haaarderíska hrunasettið, sem hrökklaðist fá völdum snemma árs 2009 ? Hver fjandinn sjálfur er þarna eiginlega á seiði ?

Svo veður alþingismaðurinn og lærisveinn Hannesar Hólmsteins, Sigurður Kári, sem líka er bráðgáfaður en ekki af Engeyjar eða úr Garðabæ, uppí ræðustól Alþingis og vænir Birgittu Jónsdóttir um njósnir í þágu Víkílíks. Öll heimsbyggðin, að páfanum í Róm meðtöldum, stendur áreiðanlega á öndinni yfir hinum vísindalegu stórmælum þingmannsins.

Það er nú svo.

Em hvað var það nú aftur sem Þráinn Bertelsson sagði á feisbúkksíðunni sinni í fyrradag og rataði inní sali Alþingis ?

„Bein árás á Alþingi"

Athugasemdir

[Baldur Hermannsson, 20.1.2011 kl. 18:20]

Það er stórundarlegt að forsætisráðherra og þingforseti skuli ekki hafa skýrt þingheimi frá þessum fundi fyrr en ári síðar. Menn geta hent gaman að viðbrögðum þingmanna en hve margir ætli kæri sig um að láta framandi fólk komast í einkatölvur sínar, lesa bréf þeirra og annarra til þeirra og grandskoða innstu einkamál viðkomandi, athuga hvaða vefsíður hann heimsækir...... og þar fram eftir götunum. Ef njósnað er um einkahagi þingmanna ber þingforseta og forsætisráðherra skylda til þess að vara menn við.

[Jóhannes Ragnarsson, 20.1.2011 kl. 18:26]

Sammála þér, Baldur, það er ansi kyndugt hvernig þetta mál ber að. Þáttur forsætisráðherra og forseta Alþingis er algjörlega óskiljanlegur og vítaverður.

[corvus corax, 21.1.2011 kl. 09:16]

Er ekki rétt að klína þessu tölvumáli bara á níumenningana? Hrunið er hvort sem er allt þeim að kenna a.m.k. miðað við áhersluna á að fá þá dæmda þrátt fyrir skort á sönnunargögnum sem "óvart" var eytt og massífum ljúgvitnum heimskra lögreglumanna og þingvarða þrátt fyrir að myndbandið sem "bjargaðist" sýni annað svo ekki verður um villst.

[Baldur Hermannsson, 21.1.2011 kl. 09:42]

corvus corax, ertu með þessa 9 ógæfumenn á heilanum?