Íslendingar eru spaugsöm þjóð.

Það má með sanni segja um Íslendinga, að þeir eru spaugsöm þjóð. Nú vilja þeir ólmir verðlauna svokallaðan Sjálfstæðisflokk, sem hrinti landinu ofaní botlaust skuldafen með tiltektum sínum, með því að gefa til kynna að þeir vilji endilega fá þennan ólánsFlokk í ríkisstjórn aftur.

Öðruvísi hafast þeir af í Túnis þessa dagana: Þar ráku þeir sinn Sjálfstæðisflokk frá völdum og bættu svo um betur með því að leysa Sjálfstæðisflokkinn sinn upp, gera eigur hans upptækar og banna starfsemi hans.

Það er augljóslega mun hyggilegra fyrir Íslendinga að fara að dæmi Túnismanna í umgengni sinni við Sjálfstæðisflokkinn, en að verðlauna hann á þann hátt sem skoðanakönnun Fréttablaðsins gefur til kynna.

Fylgi Sjálfstæðisflokks eykst

Athugasemdir

[Jón Snæbjörnsson, 21.1.2011 kl. 08:15]

það voru nú ekki allir Sjálftæðismenn um borð í þeim "dalli" Jóhannes - var um rætt fyrir ekki svo ýkja löngu viða hér á blogginu að dæma ekki heilan flokk fyrir "verk" fárra - annars skil ég skrif þín ágætlega - mig svíður líka verk þeirra sumra sem um tauma rikisstjórnar héldu þá..............

[Baldur Hermannsson, 21.1.2011 kl. 08:40]

Fólkið veit að Sjálfstæðisflokkurinn er eini flokkurinn sem hefur vit á efnahagsmálum og ræður við að rífa okkur upp úr vesaldómnum. Þetta veit fólkið og þess vegna kýs þjóðin Sjálfstæðisflokkinn. Við skulu vona að nauðsynleg endurnýjun á framboðslistum lánist vel, því þá fær Sjálfstæðisflokkurinn hreinan meirihluta í næstu kosningum. Þá verður gaman að vera Íslendingur.

[Jón Snæbjörnsson, 21.1.2011 kl. 08:45]

það er nákvæmlega það sem ég tel líka Baldur - ef við náum "nauðsynlegri" endurnýjun þá nær flokkurinn +- 50% fylgi - og þá verður gaman að vera Íslendingur