Stjörnusýslumaðurinn veldur aðdáendum sínum vonbrigðum

Heldur þykir okkur aðdáendum stjörnusýslumannsins Stones sem okkar manni hafi fatast flugið með að varpa ekki þessu hroða ómenni í Vestmannaeyjum beint í dýflissuna þegar ljóst varð hvert skrímsli það hafði að geyma.

Fram til þessa hefur yfirvald Árnesinga verið ódeigt við að bjóða allslags glæpahundum og óráðsíufólum byrginn og jafnan haft sigur. Helgi eftir helgi hefur hinn hugprúði stjörnusýslumaður falið varðsveit sinni að berjast við vistola drykkjurafta, innbrotsþjófa, óða kvenvarga, auk hættulegs fólks í annarlegu ástandi. En á virkum dögum hefur hinn ósérhlífni stjörnusýslumaður og menn hans gert hvert strandhöggið öðru stærra í ranni kannabisbænda og annarra eiturbyrlara.

Það er von okkar, aðdáenda herra Stones, að hann finni rétta strikið aftur og láti engann óbótamann ganga lausan héðan í frá innan sinna vébanda heldur tjóðri þá strax í bak og fyrir um leið og hann hefur hödur í hári þeirra.

Vér viljum sem sé ekki, að glæpamenn gangi lausir eins og hverjir útrásarvíkingar.

Hefði átt að krefjast gæsluvarðhalds

Athugasemdir

[Högni Jóhann Sigurjónsson, 28.6.2011 kl. 21:44]

Ég er ekkert viss um að þessi lúðrasveitarforingi eigi neina aðdáendur.

[Vilhjálmur Stefánsson, 28.6.2011 kl. 21:47]

Setti þessi Sýsli ekki upp þvaglegg í Konu forðum með fautaskap??

[Níels A. Ársælsson., 29.6.2011 kl. 22:58]

Hr. Stóns stjörnu og þvagleggs-sýslumaður er sá flottasti á landinu.