Faðir Árni endurreisir kaþólsku á Íslandi

Þungu fargi var létt af landsmönnum þegar það lá fyrir að endurbygging Þorláksbúðar myndi halda áfram. En enginn hefur þó andað léttar en séra Árni Johnsen sóknarprestur Þorláksbúðar. Ef vel verður að verki staðið og kristileg, mun séra Árni geta sungið aftanmessu í í búðinni atarna næsta aðfangadagskveld.

Hinsvegar kemur ýmsum spánskt fyrir sjónir, að einhver mannfögnuður skuli hafa tekið uppá að reisa kaþólskum dýrlingi, Þorláki helga, búð til að selja fólki guðsorð, sakramennti, aflátsbréf og aðgang að skriftarstóli. En það hlýtur að koma til af því, að séra Árni Johnsen og hans menn eru ekkisens kattólikkar, handgengnir páfanum í Róm og séra Ottó Kats, sem þjónustaði í Prag á fyrstu áratugum tuttugustu aldar. Það má heita áreiðanlegt, að umsvif föður Árna og Þorláksbúðarfélagsins, eru einungis unnin í þeim tilgangi að koma Íslandi á ný undir alræði páfans og kaþólskunnar. En eftir að Jón Arason var öxaður í Skálholti um miðja sextándu öldu, hefur starfað í landinu leynifélag, sem hefur á dagskrá að gera Ísland aftur kaþólskt í hólf og gólf.

En mikið tilhlökkunarefni er samt, að eiga von á sannkristnum predikunum og gregoríanskum sálmasöng í Þorláksbúð, undir styrkri stjórn heilags Árna úr Vestmannaeyjum.

 

Grind Þorláksbúðar rís

Athugasemdir

[Ingibjörg Friðriksdóttir, 9.11.2011 kl. 12:20]

Halelúja og amen á eftir orðinu. Verður ekki pottþétt kartöflugarður við Þorlákssjoppuna?

[Ásthildur Cesil Þórðardóttir, 9.11.2011 kl. 12:44]

Nú er búið að stoppa þetta mál af.

[Ingibjörg Friðriksdóttir, 9.11.2011 kl. 12:52]

Þökkum Drottni!

[Ásthildur Cesil Þórðardóttir, 9.11.2011 kl. 12:56]

Halelúja!

[Jóhannes Ragnarsson, 9.11.2011 kl. 13:24]

Já, það komst víst einhver húsafriðunarnefnd, eða eitthvað í þá áttina, í Þolláksbúðina og stoppaði allt af, þar með talda guðskristni í landinu.

Eftir því sem ég kemst næst, er þessi húsfriðunarnefnd, eða hvað það nú er, skipuð eintómum kverúlöntum, öfgafólki og fjallagrasafíflum.

Jæja, það er best að drulla sé á hnén og biðja Drottinn Guð Almáttugan, að liðsinna föður Árna með búðina svo að langþráð siðbót komist í höfn á Íslandi.

[Ásthildur Cesil Þórðardóttir, 9.11.2011 kl. 13:57]

Hahahaha  Fáðu Kolbein og frú Ingveldi með þér í bænaliðið, the more the merrier.