Spronverjan Árni Þór geltir að Ögmundi

Það færi best á því fyrir spronverjuna Árna Þór Sigurðsson að skríða eins og tannlaus búrtík ínní skáp og láta ekkert fyrir sér fara meir. Þjóðin hefur nefnilega akkúrat engann áhuga á hafa svona labbakúta á fóðrum hjá sér stundinni lengur.

Það var mikið slys, þegar Steingrímur J. leiddi þennan hugsjónalausa eiginhagsmunasegg og furðufugl útúr Samfylkingunni til æðstu metorða í VG, með aðstoð Svavars Sendiherra og Ástráðs lögmanns. Nú, Árni Þór hefur auðvitað verið þénanleg búrtík og þjónustublók fyrir vandræðamanninn Steingrím, en það er manngarmi þessum ekki beint til vegsauka, þér að segja.

Þó svo Ögmundur, ræfilstuskan, hafi gert óskiljanleg mistök í dag og komið í leiðinni uppum þann háborgaralega streng sem í brjósti hans býr, þá er ekki þar með sagt að búrtíkin og eðalblókin Árni Þór hafi nokkur efni á að urra og gelta að Ögmundi. Sannleikurinn er nefnilega sá, að téð blók, Árni Þór, hefur verið notaður óspart af húsbændum sínum til að liggja árum saman í hælunum á Ögmundi og grafa undan honum á allan hátt.

En það sem eftir stendur þegar þetta er skrifað, er að VG er endanlega alónýtur flokkur. Á undanförnum mánuðum hafa verið miklar úrsagnir úr flokknum, sem eflaust halda áfram. Enda gerir hver sála sig að heilmiklu aðhlátursefni fyrir það eitt að vera flokksbundin í VG.

Gegnheilum sósíalistum ræð ég hinsvegar til að taka höndum saman og stofna sósíalíska alþýðuhreyfingu. 

Árni Þór: „Flestir sótraftar á sjó dregnir“

Athugasemdir

[Rauða Ljónið, 17.1.2012 kl. 21:13]

Ég hef alltaf haldið því fram að Árni Þór hafi lítin sem engan drengskap til að bera eftir því sem tíminn líður er ég sannfærður að ég hafi rétt fyrir mér.

[Ásthildur Cesil Þórðardóttir, 17.1.2012 kl. 22:30]

Já ekki er þetta mannkerti merkilegt að mínu mati, og alveg rétt hjá þér ekki hefur hann neitt að bera til að nota slík orð um ráðherra sinn.

[Einar Guðjónsson, 18.1.2012 kl. 00:23]

Finnst Eimreiðarhópurinn vera markaðsmenn aldarinnar og sniðugt hjá þeim að halda bara áfram að eyðileggja Ísland en nú undir nafninu VG. Enn sniðugra hjá þeim að narra 25 þúsund kjósendur til að kjósa sig sem vinstri menn.