Þær fáu hræður sem enn eru á sveimi

Það er tómt mál um að tala fyrir þær fáu hræður sem enn eru á sveimi innan VG að gera einhver framtíðarplön því að VG er ónýtur flokkur í dauðateygjunum. Fyrir nú utan að hvað ályktum um þjóðnýtingu á fjármálastarfsemi er hlægilegur í höndunum á fólki sem nýbúið er að einkavæða tvo hrunda banka fyrir utan að dæla milljörðum að ríkisfé inní rústir fjármálastofnana og Sjóvá, sællar minningar.

 Og þegar Steingrímur verður búinn að geirnegla kvótakerfið í bak og fyrir með nýtingarsamningum til áratuga við vini sína í Samherja og meiningarlausu lagaákvæði um sameign þjóðarinnar á fiskveiðiauðlindinni og Ögmundur búinn að frelsa vin sinn í hestamennskunni, Gjeir Haaardé, þá verður niðurlæging VG endanlega fullkomnuð og ekkert eftir annað en að fela skiptasjóra að husla hræið á einhverri ótilgreindri baklóð.

VG skoðar þjóðnýtingu fjármálastarfsemi

Athugasemdir

[Ásthildur Cesil Þórðardóttir, 18.1.2012 kl. 12:15]

Manni skilst að það sé farið að verða tómlegt þarna innanbúðar.  Merkilegt að þeir sem þar eru ennþá eru mest elítan í hópnum frá Reykjavík.  Sýnir ef til vill best á hvaða leið flokkurinn er.

[Jóhannes Ragnarsson, 18.1.2012 kl. 13:48]

Það lítið annað eftir í VG en Flokkseigendafélagið ásamt búrtíkum og dekurdýrum.
Hvað væri gert við skipstjóra sem væri hættur að geta fiskað og auk þess búinn að missa flestalla skipverjana fyrir borð?

[Ásthildur Cesil Þórðardóttir, 18.1.2012 kl. 14:50]

Hann mætti vera heppinn ef hann yrði bara kjöldreginn en ekki hent fyrir borð.

[Jóhann Elíasson, 18.1.2012 kl. 16:31]

Því miður er VG ekkert annað en "menntaklíkuelíta" sem hefur komið sér vel fyrir á ríkisjötunni (í áskrift að góðum launum og öruggum hjá því opinbera) og eru ekki í NEINUM tengslum við raunveruleikann.

[Geir Ágústsson, 19.1.2012 kl. 07:22]

Bankarnir fóru oft á hausinn á meðan ríkið átti þá á sínum tíma. Er það gleymt?