Moldryk og blekkingarspil málaliða auðvaldsins

Það er engum vafa undirorpið að VG undir forystu Steingríms J. og Álfheiðar hefur enganveginn tekist á við Hrunið, aðeins afleiðingar þess sen snúa að endurreisn fjármálafyrirtækja og annarra auðvaldshelgidóma í þeim dúr. Aftur á móti hefur enginn heyrt Steingrím og Álfheiði minnast á nauðsyn þess að bjarga heimilum landsins sem fóru flatt á Hruninu. Þessi tvo vesalmenni, ásamt búrtíkum sínum og kratastóðinu í Samfylkingunni, er sannkallað íhald og auðvaldsþjónar í hvívetna og ég efast um að sjálft Erkiíhaldið hefði gert betur í að hygla auðvaldinu ef það hefði verið við völd.

Því kom dálítið furðuleg afstaða Ögmundar og Guðfríðar Lilju í Gjeirsmálinu eins og himnasending fyrir svikula foringja ríkisstjórnarinnar, sem hafa séð sér leik á borði að þyrla upp moldvirði sem beint hefur augum almennings um stund frá þeirra eigin svikum og skepnuskap.

En eitt er víst: Málarekstur gegn Gjeir Haaarde fyrir Landsdómi, er auðvitað ekkert uppgjör eitt og sér við Hrunið, sérstaklega í ljósi þess að svokölluð vinstristjórn hefur í engu gert upp við Hrunið að öðru leyti. Rannsóknarskýrsla Alþingis og embætti sérstaks saksóknara eru ekki verk núverandi ríksstjórnar, svo ekki geta Jóhanna og Steingrímur slegið sér upp á þeim atriðum varðandi uppgjör á Hruninu. 

Stál í stál á VG-fundi

Athugasemdir

[hilmar jónsson, 25.1.2012 kl. 11:37]

Hefur einhver talað um að ákæran á hendi Geirs sé annað en "einn hluti " á uppgjöri hrunsins ?

Á einhverju verður að byrja, og ef ekki er við hæfi að hefja málið gegn æðsta manni hrunstjórnarinnar þá veit ég ekki hvar á að byrja .

Svona í ljósi ýmissa færslna frá þér undanfarið kæmi mér ekki á óvart þótt þú tækir skrefið til fulls og skráðir þig í D eða B.

[Ásthildur Cesil Þórðardóttir, 25.1.2012 kl. 14:25]

Sammála þér Jóhannes, þetta fólk er að vinna að því að drepa niður Vinstri Græningja, þannig að annað hvort hlýtur að verða uppgjör í flokknum eða þið raunverulegir vinstri menn komið ykkur saman um að stofna eigin flokk.  Ég held að það þurfi ekki að spyrja að hvor þeirra hópa yrði stærri. 

Ég tala reyndar svona utan við ykkur, en ég sé samt vel hvað er að gerast, enda augljóst hverjum manni sem hefur tvö augu, tvö eyru og putta til að tjá sig með.

[Jóhannes Ragnarsson, 25.1.2012 kl. 14:25]

Nú eru bráðum liðin þrjú ár frá Hruni og lítið sem ekkerrt hefur bólað á uppgjöri við það, fyrir utan misheppnaða, að ég ekki segi gjörspillta, atkvæðagreiðslu um hverja ætti að draga fyrir Landsdóm.

Það er ekki svo, Hilmar, að ég vilji ekki að Gjeir Haaarde standi fyrir máli sínu, öðru nær. Hinsvegar held ég réttarhald yfir Gjeir einum missi helst til mikið marks, skorti þanna þunga sem hefði þurft. Að mínu máti átti að draga a.m.k. 4-6 hrunstjórnmálamenn fyrir Landsdóm. Ef það væri gert væri kanske hægt að tala um eitthvað sem líktist alvöru uppgjöri við stjórnmálin.

Þú þarft ekkert að vera hræddur um að ég gangi nokkurn tíma í Sjálfstæðisflokk eða Framsókn og ég get fullvissað þig, Hilmar, að það hefur ekkert bent til þess að ég væri á leiðð þangað.

[Ásthildur Cesil Þórðardóttir, 25.1.2012 kl. 14:52]

Þegar rök þrjóta Jóhannes minn þá...............

[Óskar Helgi Helgason (IP-tala skráð) 25.1.2012 kl. 17:02]

Heill og sæll Jóhannes æfinlega; sem og aðrir gestir, þínir !

Hilmar !

Þó svo; ég sé upp á kant við þig, hugmyndafræðilega, sem kunnugt má vera, okkar lesendum, flestum, að þá verð ég að lýsa nokkurri furðu á, að þú skulir lesa svo í skrif Ennishöfðingjans (ofan- og utan Ólafsvíkur), sem raun ber vitni, hér; að ofan.

Líkt; og Ásthildur Cesil, okkar Ísfirzka vinkona gerir, átt þú að þekkja Jóhannes, og hans fölskvalausu skoðanir betur, en þetta, Hilmar minn.

Báðir; höfum við Jóhannes, virt skoðanir hvors annarrs, allt frá upphafi okkar vináttu; Vorið 2007 - og hvergi borið skugga á - hann; Sósíalisti, fram í fingurgóma / ég aftur á móti, Falangisti (yst; á Hægri brúninni - fylgjandi þeim Francó á Spáni, og þeim Gemayel feðgum, austur í Líbanon, alla tíð), Hilmar minn.

Með beztu kveðjum; sem ávallt, úr Árnesþingi /   

 

[hilmar jónsson, 25.1.2012 kl. 17:39]

Ok viðurkenni það. Fór sennilega fram úr mér við Jóhanness.

Enda hefur hann fram að þessu verið ötull baráttumaður gegn hrunöflunum.

Sorry.