Hroðalegar tónlistarmisþyrmingar

Ég veit að ég tala fyrir munn flestra landsmanna, að Söngvakeppni Sjónvarpsins í kvöld keyrði algjörleg um þverbak. Annað eins andskotans nágól held ég að hafi aldrei heyrst í gjörvallri sjónvarpssögu Íslands á einni kvöldstund.

Nú væri sök sér, að þessi ósköp væru glömruð og orguð í lítt þekktu neðanjarðarbyrgi þar sem enginn er nær. En að blása jafn óviðjafnanlegum óþverra eins og klóakholskeflu framan í landsmenn er ófeyrirgefanlegt.

Hvern fjandann á þetta að þýða?

Heldur Páll Magnússon að við séum að borga afnotagjald til Ríkisútvarpsins til þess að hann geti umgengist okkur eins og fífl og fávita í staðinn?

Andskotans ekkisens hlandpétraútfyrmi og íllyrmi geta þessir fjölmiðlapaurar verið.

Af öllu vondu í Söngvakeppni Sjónvarpsins í kvöld var þó framlag Magna Ásgeirssonar langverst: Sjá þennan volaða manngarm liggjandi argandi og kveinandi á hnjánum í einum kegng, eins og verið væri að urga með vírbusta í innýflunum áhonum, er einhver hryllilegasta upplifun sem nokkur maður getur upplifað. Þar var sannalega um að ræða mestu og hroðalegustu tónlistarmisþyrmingu Íslandssögunnar. Og svo kemur til greina að senda þessa eyðileggjandi tónmengun í söngkeppni sem send er út um víða veröld! Þvílík og önnur eins niðurlæging, smekkleysa og guðlast verður ekki fundin á byggðu bóli, - sem betur fer myndi margur segja.

Með svona áframhaldi verða allir Íslendingar fluttir til Noregs fyrir næstu áramót og enginn eftir á Íslandi nema nokkrar pólskar eftirlegukindur sem ekki vóru með á nótunum.

Þrjú lög komust áfram

Athugasemdir

[Davíð Pálsson, 28.1.2012 kl. 22:43]

Þetta var nú ekki alveg jafn slæmt og Jóhannes lýsir hér. Þannig var lagið Aldrei sleppir mér feiknagott og gæti hugsanlega orðið sigurlagið í ár. Lagið sem Ópal flutti í fyrsta þættinum fannst mér líka mjög gott. Herbert hefði kannski betur fengið Jónsa til að syngja fyrir sig áðan en lagið hans var alls ekki slæmt.

[Jóhannes Ragnarsson, 28.1.2012 kl. 23:02]

Ekki alveg jafn slæmt???
Ég myndi segja öllu verra, ef eitthvað væri.

Ég siki ekki hvað maðurinn er að fara.

[Jóhannes Ragnarsson, 28.1.2012 kl. 23:05]

,,Ég SKIL ekki hvað maðurinn er að fara" átti að standa þarna.

[Rauða Ljónið, 28.1.2012 kl. 23:09]

Dabbi, Jói tekur vægt til orða þetta er helvítir drasl og svo er manni naugað til að borga.

Kv,Sigurjón Vigfússon

[Kolbrún Stefánsdóttir, 28.1.2012 kl. 23:18]

Þetta er á íslensku hjá þér Jóhannes :) en ég deili með þér vonbrigðum með keppnina í kvöld. Það hefur verið mun betra síðustu tvö laugardagskvöld en þetta voru bara skrautbúnar konur og karlmenn að engjast eins og þú segir. Ekkert sem hreyfði við manni. Ég verð þó að taka fram að ég missti af Herberti því miður. "Aldrei sleppir mér" er ekki boðlegt svona yfirhlaðið af skrauti og glingri,enda fer það ekki lengra. Hitt lagið hennar Grétu með Jónsa var hinsvegar skemmtilegt og gaman að sjá það fara alla leið. Kveðja Kolla

[Ásthildur Cesil Þórðardóttir, 28.1.2012 kl. 23:18]

Ég vil fá hið ekta íslenska lag Hey áfram með Simba og hrútspungunum, fimmundarsöngur og frábært ekta þjóðlegt lag.

[Ásthildur Cesil Þórðardóttir, 28.1.2012 kl. 23:18]

Jamm

[Davíð Pálsson, 28.1.2012 kl. 23:27]

Ég held Ásthildur að lagið Hey, eins ágætt og það er, myndi ekki hljóma vel í úrslitaþætti Eurovision þegar sumar er komið í Evrópu. Eiginlega myndi það hljóma eins og Bjart er yfir Betlehem.

[Sædís Ósk Harðardóttir, 28.1.2012 kl. 23:39]

Snilldar blogg hjá þér :)

[Ásthildur Cesil Þórðardóttir, 28.1.2012 kl. 23:42]

Nei þvert á móti myndi það hljóma eins og góður norðangarri.

[Guðmundur St Ragnarsson, 29.1.2012 kl. 01:51]

Lélegasta júrúvísíón um aldir alda. Eigum við ekki betri lagahöfunda en þetta?

[Steingrímur Helgason, 29.1.2012 kl. 03:11]

& að auki, leggur Jói til að Karþagó zé lögð í eyði !

[Emil Hannes Valgeirsson, 29.1.2012 kl. 13:34]

Ólagvist fólk á það sameiginlegt að heyra ekkert nema gaul út úr lögum sem það heyrir í fyrsta skipti, en pistillinn er skemmtilegur aflestrar. Þetta var misgott eins og gengur og gerist en ég er sammála Ásthildi með Simma og Hrútspungana. Það skiptir engu máli þótt það vinni ekki keppnina úti.

[Jóhanna Magnúsdóttir, 29.1.2012 kl. 13:34]

Er ekki allt í lagi heima hjá þér? ...

Treysti því að þessi pistill sé grín.

Auðvitað var þetta ekkert fullkomið, en fólk er þó að gera sitt besta og aldrei hægt að gera öllum til geðs, ekki frekar en með handboltann.  Ef okkur líkar ekki,  þá er okkar val að slökkva. - 

[Óskar Helgi Helgason (IP-tala skráð) 29.1.2012 kl. 13:54]

Heill og sæll Jóhannes; æfinlega !

Jóhannes !

Tek undir; með þér, utan þess, sem spyrja má, hvað Norður- Ameríku þjóðin Íslendingar, séu yfirleitt, að taka þátt í Evrópskri keppni, af þessum toga.

Jóhanna Guðskona Magnúsdóttir !

Ég hygg, að þú getir alveg sparað þér skenzið, til fornvinar míns, Sjóhundsins- og Beitningarmeistarans Jóhannesar, úti undir Enni vestra, og einbeitt þér, að áframhaldandi sukki Þjóðkirkju vina þinna, sem leika sér með 5 - 6000 Milljónir Króna, ár hvert, til þess að viðhalda þessum siðferðilega sóða söfnuði, sem ætti að vera, búið að uppræta fyrir löngu, með tilheyrandi sparnaði, fyrir landsmenn, alla.

Þjóðkirkjan; er ásamt núverandi stjórnsýslu annarri í landinu, einhver sú fremsta, í röð íslenzkra afætna, ágæta kona.

Hversu miklu; skyldi Jóhannes Ragnarsson, og hans líkar, vera búnir að skila fjármunalega, til íslenzks samfélags, í samanburði við rolur, eins og gerfi- Byskupinn Karl, og preláta hyski hans, gott fólk ? 

Með beztu kveðjum; sem jafnan, úr Árnesþingi /

[Emil Hannes Valgeirsson, 29.1.2012 kl. 13:55]

Á sömu mínútu Jóhanna!

[Jóhannes Ragnarsson, 29.1.2012 kl. 15:52]

Jújú, Jóhanna, það er allt í lagi heima hjá mér.

En að svo stöddu svara ég engu um hvort þetta er grín eða fúlasta alvara.  Það verður að bíða betri tíma.

[Ásthildur Cesil Þórðardóttir, 29.1.2012 kl. 15:55]

Hvar fékkstu þetta mynd Jóhannes, sé ekki betur en söngkonan hafi pissað í buxurnar

[Jóhannes Ragnarsson, 29.1.2012 kl. 18:19]

Ég veit ekki betur en myndin sé úr júrúvísjóninu í gærkvöldi. Ef þetta er ekki þessi Magni, þá er þetta ein af söngkonunum.

[Ásthildur Cesil Þórðardóttir, 29.1.2012 kl. 18:32]

Hahahaha Jóhannes þú drepur mig

[Jóhanna Magnúsdóttir, 29.1.2012 kl. 18:40]

Óskar Helgi, - mér sýnist þú vera viðkvæmari fyrir gríninu en Jóhannes pistlahöfundur, sem náði því að ég var bara að tala í sama dúr og hann.

Og hvað í ósköpunum kemur mitt innlegg þjóðkirkjunni eða biskupnum við? 

[Jóhanna Magnúsdóttir, 29.1.2012 kl. 18:56]

Já, Emil frændi; 13:34!

[Óskar Helgi Helgason (IP-tala skráð) 29.1.2012 kl. 20:28]

Komið þið sæl; að nýju !

Jóhanna Guðskona !

O; fremur skjöplazt þér ályktunin, um meinta viðkvæmni mína, gagnvart Evrópsku sönglaga keppninni, svo sem.

Læt mér alveg; í léttu rúmi liggja, hvar Íslendingar skipa sér á bekki, í utanlands keppnum, af því taginu. Hins vegar; fer ég ekki ofan af því, að grannar okkar í vestri - sem samálfubúar, ættu að standa okkur nærri, en Evrópska kraðakið, með fullri virðingu fyrir Azerum, sem öðrum keppnis höldurum, þar austan hafs.

Varðandi Þjóðkirkjuna; mátti ég til, að koma þeirri sneiðinni að þér, þó svo; eftir á að hyggja, hefði ég átt að beina henni fremur, að þessum fígúrum, sem þykjast feta í fótspor garmsins Karls, á Sumri komanda.

Þar í; lá skot mitt, til prjál liðs Þjóðkirkjunnar, þó ekki ætti að beinast að þér; persónulega, Jóhanna mín.

Bið ég þig; fyllsta forláts, þar á, að svo komnu.

Með; ekki síðri kveðjum - en þeim fyrri /

[Jóhanna Magnúsdóttir, 29.1.2012 kl. 21:34]

Sæll aftur Óskar Helgi, - hvorki ég né þú berum ábyrgð á öðru fólki, hvað þá biskupnum. - Ég skráði mig frá þjóðkirkju fyrir u.þ.b. tveimur árum vegna þess að það var eina vald mitt til að lýsa óánægju með yfirstjórn kirkjunnar og máttleysi biskups.  Reyndar skrifaði ég svo pistil á Pressuna 11. júní sl. þar sem ég hvatti biskup til þess að segja af sér, en það fór eins og það fór.  Hægt er að lesa þann pistil hér. 

En umræðan er komin frá júróvisjón yfir í þjóðkirkjuna, sem er kannski bara allt í lagi,  en munurinn þarf að vera sá að kirkjan á að vera einlæg og þar á ekki að vera um "show" að ræða, - en auðvitað er júróvisjón "show" og á að vera það. 

Auðvitað semjum við frið og strjúkum kvið,  enda er allt stríð mér á móti skapi og ég sein til vandræða.  Annað hvort er það leti, ég nenni ekki vandræðunum,  eða gleymska,  ég man ekki af hverju verið er að vandræðast! 

Kær kveðja á móti. 

[Óskar Helgi Helgason (IP-tala skráð) 29.1.2012 kl. 21:41]

Komið þið sæl; sem fyrr !

Jóhanna Magnúsdóttir !

Þakka þér fyrir; drengileg - sem einarðleg andsvör þín, sem upplýsingu alla, og munum við dús verða, héðan í frá, með öllu, hvað þessum málum viðvíkur.

Með; sízt lakari kveðjum - en þeim fyrri, og áður /