Dásamlegt hlutskipti.

Hinir viljugu og auðsveipu stuðningsmenn Írakstríðsins á Íslands sofa áreiðanlega pollrólegir og öruggir eins og ungabörn í vöggu þó að fjöldi manns séu sprengdir í tætlur í Írak á degi hverjum. Það hlýtur að vera dásamlegt hlutskipti að vera staðfastur stuðningsmaður ríkisrekinnar hryðjuverkasarfsemi bandaríkjastjórnar og vakna sæll og glaður á hverjum morgni við fréttir af morðum og öðrum djöfulskap í fjarlægu landi. 

Tvær bandarískar herþyrlur rákust saman

Athugasemdir

[Svavar Friðriksson (IP-tala skráð) 15.4.2007 kl. 10:09]

Þannig að þú ert hlynntur einræðisstjórnum í ríkjum þar sem fólk er pyntað og drepið í milljónavís ef það hentar leiðtoganum?  Fólk er ótrúlega fljótt að gleyma öllum þeim hroðaverkum sem Saddam Hussein framdi.  Ber þar hæst að nefna efnavopnaárás á þúsundir Kúrda.  Þú hefur þá væntanlega sofið pollrólegur á meðan þau morð voru framin eða...

[Jóhannes Ragnarsson, 15.4.2007 kl. 10:33]

Þó að Saddam hefi verið slæmur, þá er það engin réttlæting fyrir hryðjuverkastarfemi Bandaríkjamanna og þeirra aftaníossa í Írak. Staðreyndin er sú að ástandið í Írak er margfalt, margfalt verra en nokkru sinni undir Saddami. Mér skilst að ástandið sé þannig, að nú sé enginn óhultur í Írak.

Svo skulum við ekki gleyma því að Saddam þessi naut stuðnigs Bandaríkjamanna um langt skeið. Þeir studdu hann t.d. með ráðum og dáð í stríðinu við Íran á sínum tíma.

Svo vil ég frábiðja mér þvætting á borð við að þeir sem eru andvígir hryðjuverkastarfsemi Bandaríkjamanna í Írak séu hlynntir einræðisstjórnum sem drepa fólk og pynta í milljónavís. Það má vera að svona málflutningur henti vel þegar menn taka sér fyrir hendur að verja vondan málstað, en skynsamlegur er hann ekki og verður aldrei.

[Ásthildur Cesil Þórðardóttir, 15.4.2007 kl. 11:09]

Nei satt segir þú Jóhannes, það er á engan hátt hægt að réttlæta þessi níðingsverk sem Bandaríkjamenn eru að fremja með stuðningi tveggja ráðherra fyrrverandi héðan.  Og hvað með alla hina einræðisseggina, það er sennilega engin olía eða gull að sækja í þeirra greipar.  Oj bara.