Loksins, loksins VG.

Lokins heyrir maður eitthvað frá VG varðandi verkafólk í kosningabaráttunni, að vísu um afmarkaðan hóp verkamanna sem, samkvæmt fréttu, býr við hin herfilegustu skilyrði. Ég vona að þessi samkennd VG með verkafólki sé ekki eingöngu sprottin út frá því að umræddir verkamenn starfa við Kárahnjúkavirkjun.

Eins og kunnugt er, hefur ,,vinstriflokkurinn" Vinstrihreyfingin - grænt framboð, verið býsna spar á að flíka verkalýðsáherslum en einbeitt sér þeim mun meir að dólgslegum femínisma og álbræðslumálum.

En Guð láti gott á vita.

  

VG krefst opinberrar rannsóknar á aðbúnaði verkamanna við Kárahnjúka

Athugasemdir

[Guðmundur Jónas Kristjánsson, 28.4.2007 kl. 13:28]

Ekki VOTTAÐI fyrir umhyggju hjá sósíalistunum í Vinstri-grænum fyrir öllum
atvinnustörfunum í Straumsvík þegar þeir börðust gegn stækkunni þar.
Sósíalistanir í VG  eru fjandams sama hvort hér er atvinnu að hafa eða ekki.
Sósíalisminn hefur ÆTÍÐ reynst alþýðunni og launafólki verst, enda nærist
hann á eymd, volæði og KREPPU, nákvæmlega sem Vinstri-grænir stefna að.

[Níels A. Ársælsson., 28.4.2007 kl. 16:05]

Hvað er að Guðmundi Jónas, af hverju lætur hann svona kallinn ?

[Jóhannes Ragnarsson, 28.4.2007 kl. 16:54]

Hann er alltaf í banastuði hann Gvendur og gustar af honum eins og Víga-Styrr enda á flokkurinn hans svona heldur í vök að verjast.

[Eggert Hjelm Herbertsson, 28.4.2007 kl. 17:10]

Hvernig fannst þér framjóðandi VG í NV-kjördæmi í framboðsþættinum á RÚV áðan?

[Jóhannes Ragnarsson, 28.4.2007 kl. 17:16]

Ég sá ekki þáttinn því ég var á fjölmenningarhátíð í félagsheimilinu.

Stóð karlinn sig ekki skínandi vel?

[Eggert Hjelm Herbertsson, 28.4.2007 kl. 17:39]

Ég held að þú ættir að skoða þetta sjónvarpsefni......hann er ótrúlega slakur.