Félagi Össur kalinn á hjarta.

Skömmu fyrir kosningar fór ég á fund Samfylkarinnar sem hafldinn var í heimabæ mínum. Þar var og mættur félagi Össur Skarphéðinsson og fór mikinn, var m.a.s. svolítið vinstrisinnaður það kvöld. Þarna lýsti félagi Össur því yfir, eins og ekkert væri, að eftir að hafa tekið þátt í ríkisstjórn Alþýðuflokks og Sjálfstæðisflokks (1991-1995) væri hann kalinn á hjarta. Ekki var annað að skilja á félaganum að aldrei kæmi til greina af hans hálfu að fara í ÍhaldsKratastjórn aftur.

En nú er öldin önnur.

Nú má ljóst vera að félagi Össur er búinn að ná sér í hjartanu, allt kal í þeim vöðva á bak og burt. Mikið er nú gaman að verða vitni að svona undraskjótum bata þegar um svo erfiðan og krónískan sjúkdóm er að ræða.  

Stjórnarmyndunarviðræður halda áfram um helgina

Athugasemdir

[Ásthildur Cesil Þórðardóttir, 21.5.2007 kl. 17:47]

Já það er auðvitað afskaplega gleðilegt.

[Jóhannes Ragnarsson, 21.5.2007 kl. 20:16]

Síðast þegar ég rakst á félaga Össur var á honum að skilja að hann væri með hjarta, m.a.s. með kalblettum á. En við þurfum ekki að hafa áhyggjur af því lengur því karlangunum er batnað eftir vel heppnað ástarlíf með Gjeir Hordé.