Meðfærilegt gluggaskraut að Bessastöðum

Katrín Jakobsdóttir er afar mikil og glögg spákona, enda spámannlega vaxin og galdrakallsleg í fasi og tjáningu. Ekki vantar það. Það er til dæmis alveg milljón, ef ekki milljarður, að hún hafi kunngert spá sína varðandi forsetaframboð félaga Ólafs í gær og spáin hennar hafi ræst strax í dag svo nákvæmlega að ekki skeikaði svo mikið sem broti úr millímeter.

Og fyrst það er nú fram komið að Katrín Jakk(afata)er svona andsvíti getspök þá væri fróðlegt að vita hvort hún spáði því fyrir að Vinstrigrænir myndu svíkja öll gefin loforð varðandi ESB umsóknina daginn eftir að þeim tókst að komast í ríkisstjórn með hinum kratadindlunum. Þessi grófu svik, og víst fáein til viðbótar, urðu nefnilega þess valdandi að þingflokkur VG sprakk í loft upp á miðju kjörtímabili. Það er svosem ekkert stórmál þó að ein flokksnefna tætist í sundur svo að ekkert verði efir af honum annað en skjátan ein, ekki síst vegna þess að umrædd samtök voru í grunninn byggð á undirferli, óheiðarleik, lygum og loddarahætti, farið hefir fé betra. En að þeir sem stóðu fyrir svikunum væru eins kostulega óskynsamir, ef ekki blátt áfram heimskir, kom mörgum ansans ári mikið á óvart.

Nú er það von allra ráðvilltra manna og kvenna að spávísa galdrakallskerlingin í VG tilkynni innan tíðar að hún sækist eftir að verða forseti Íslands í næstu forsetakosningum því það fer að bráðvanta meðfærilegt gluggaskraut á Bessastöðum innan tíðar. Eða eins og galdrakallinn með brotna töfrasprotann sagði: Fyrr má nú skrauta en gluggaskrauta ...

Spáði brotthvarfi Ólafs í gær

Athugasemdir

[Anna Sigríður Guðmundsdóttir, 2.1.2016 kl. 01:29]

Davíð kallaði hana Kötu Jakk gluggaskraut. Það var afskaplega væg og mild lýsing á stelpunni í Vinstri Grænum.

M.b.kv.

[Halldór Egill Guðnason, 2.1.2016 kl. 03:40]

Megi gluggaskrautið á Bessastöðum lýsa um aldir alda, hver svo sem þar situr. Kolbeinn og frú ættu þar ef til vill heima?... Miðað við framkomin framboð, sýnist Tuðaranum í suðrinu, að karl Ólafur setjist þar eitt fjögurra vetra "semestrí" enn.

Þakka sérdeilis gleðilega lestra á liðnu ári og hlakka til að lesa fleiri, á komandi ári.

Góðar stundir, með kveðju að sunnan.