Afrek Brynjars Vondulyktar síðasta sólarhringinn

Svo sem meðfylgjandi frétt á mbl.is sýnir, er ástandið á Brynjari Vondulykt ekki vel gott þessa dagana. Í gær drakk hann mikið landabrugg að heimili frú Ingveldar og Kolbeins, raunar svo herfilega mikið að drjúgir skammtar af kókaíni og amfetamíni gátu ekki rétt hann við. Greip hann þá til þess ráðs að setjast uppí bifreið sína og fara á rúntinn sér til hressingar og láta renna ofurlítið af sér. Auðvitað þurfti lögreglufjandinn að reka augun í kynlegt aksturslag bifreiðar Brynjars og fara að hnýsast í hverju það sætti.

Þegar lögreglan hafi komist að því að ökumaður bifreiðarinnar var gjörsamlega blind-augafullur tóku þeir lyklana af honum, en af því að þetta var Brynjar Vondalykt þá slepptu þeir honum í stað þess að stinga honum inn eftir að hann hafði sagt þeim nokkrar blautlegar sögur af samskiptum sínum við frú Ingveldi, Kolbein og fleiri ofurdjarfar persónur eins og Máríu Borgargagn og hennar mann, Indriða Handreð. Það var svo ekki fyrr en Brynjar Vondalykt lá þversum á götunni Flatahrauni í hreinu óminnisástandi, að lögreglan handtók pilt og laumaði honum inní fangaklefann.

En eftir að lögreglan hafði lúskrað dálítið á Vondulyktinni í fangaklefanum og sprautað á hann 200 lítrum af jökulköldu vatni fór loks að rofa til í hausnum á honum. Klukkutíma síðar var hann mættur í fullu fjöri á heimili frú Ingveldar og Kolbeins, að vísu rennblautur og með glóðarauga eftir lögreglumanninn Hróðmar fant. Umsvifalaust var Brynjar færður úr vosklæðum sínum á miðju stofugólfinu og Kolbeinn húsbóndi og framsóknarmaður leiddi hinn hrakta gest inní miðstöðvarkompuna og læsti sig þar inni með honum. Á sama tíma lét frú Ingveldur sig hafa það að skríða bak við stofusófa með Máríu Borgargagni og þæfðust þær þar á í drykklanga stund þar til frú Ingveldur stóð upp og skipaði Borgargagninu að andskotast í sturtu því það væri svo viðbjóðslega vond fýla af henni, eins og af dragúldnum þorski.

Ökumaðurinn nánast áfengisdauður

Athugasemdir

[Níels A. Ársælsson., 3.9.2016 kl. 10:21]

Ekki ósvipuð lyktinni og makrílnum sem við laumuðum inn í lofstíuna í bílnum hjá klámsalanum á bryggjunni í Leirvík sumarið 1974 ?

[Jóhannes Ragnarsson, 3.9.2016 kl. 12:49]

Úldni makríllinn fór í loftsíuna hjá hr. Saur Andersen (Pornojack)í Hirtshals. En burt séð frá því, þá má gera ráð fyrir að þefjanin sem gaus upp í bílnum hjá karlskepnunni hafi verið ekki af ólíkum meiði og stybban af Borgargagninu sem gekk framaf frú Ingveldi þarna á bak við sófann.