Þetta getur endað með tuktúsi á annan veginn

Ja ekki er það gæfulegt. Með sama áframhaldi, kærum á kærur ofan, endar dómsmálaráðherra bak við lás og slá á Litla-Hrauni. Eins og dómsmálaráðherra gekk þó gott til þegar hún valdi dómara í Landsrétt; hún skipti bara fjórum vinstrivillingum úr fyrir fjóra velunnara Sjálfstæðisflokkins. Það vita allir sem eru með ráð og rænu og búa við vitsmuni sem jaðra við meðalgreind, að það er ekki hægt að nota vinstrisinnaða kallapúnga til að dæma í málum við virðulegan, alvöru dómstól. Og nú eru tveir af þessum pokaköllum sem ráðherra vildi ekki í Landsrétt búnir að kæra ráðherrann, sem er ótrúleg fólska af þeirra hálfu sem sínir best að þeir hunna ekkert að dæma.

Frú Ingveldur stendur, sem við mátti búast, mjög þétt við bakið á dómsmálaráðherra, enda eru hún og ráðherrann miklar og góðar trúnaðarvinkonur. Til marks um það, þá sendir frú Ingveldur ævinlega Brynjar Vondulykt og Óla Apakött, í hvaða ástandi sem þeir eru, til moka snjóinn af tröppum trúnaðarvinkonu sinnar þegar ófærð er mikil og slá lóðina hennar að sumarlagi. Þó hefir komið fyrir að Vondalyktin og Apakötturinn hafi verið svo mökkaðir við þessi störf að þeir hafi farið húsavillt og mokað tröppur eða slegið gras hjá allt öðru fólki. Eftir þessháttar frammistöðu tvímenninganna hefir stundum slegið í brýnu milli frú Ingvelda og ráðherra, en í þeim tilvikum hefir frú Ingveldi verið ósárt um að sýna mikla og ótvíræða yfirburði sína.

En hvurnig sem á það er litið, þá á dómsmálaráðherra að sýna afgerandi frumkvæði og kæra fólin, sem eru að dunda sér við að kæra han, til baka og verða fyrri til að koma þeim í fangelsi áður en þeim tekst að láta leiða hana í hlekkjum inn á Hraunið. Við, sem trúum því statt og stöðugt að réttlætið sigri að lokum, gerum okkur vonir um að hafi betur í rimmunni við þá óhæfu. (Í þessu tilfelli er að sjálfsögðu á við réttlæti Sjálfstæðisflokksins því það réttlæti er gott réttlæti). Nú þegar hafa höfuðklerkar hinnar evangelísk lútersku þjóðkirkju´, þeir síra Baldvin og séra Atgeir p. Fjallabakssen, haldið bænastundir, dómsmálaráðherra til stuðnings, í kapellum sínum og beðið fyrir ráðherra af stólnum í höfuðmusterum sínum við almennar messur. Þeir vita manna best að Drottinn er sjálfstæðismaður og tekur í taumana, ef til hans er leitað, þegar illræðismenn leggja til atlögu við besta fólk Flokksins eina.    

Held að fólki misbjóði vinnubrögðin

Athugasemdir

[Ragna Birgisdóttir, 14.6.2017 kl. 22:53]

Vonandi Verður Jón Steinar sækjandi fyrir frú Dómsmála svo að það verði nú soldið fútt í þessu 

[Aztec, 15.6.2017 kl. 19:39]

Heyrðu, Jói. Er þetta hún Frú Ingveldur þín? Mikil og góð Framsóknarkona:

http://www.mbl.is/frettir/innlent/2017/06/15/ingveldur_adstodar_sigurd_inga/

Hún minnir dálítið á aðra góða Framsóknarkonu, meira að segja fyrrum ráðherfu, hana Siv. Ég myndi jafnvel vera svo djarfur að halda því fram, að Frú Ingveldur væri systir hennar, ef ég vissi ekki betur. En kannski eru þær hálfsystur.

[Jóhannes Ragnarsson, 15.6.2017 kl. 23:33]

Sko, frú Ingveldur er aunginn ekkisens framsóknarkona, hún er mikil sjálfstæðiskona og í gríðarlegum metum hjá æðstu mönnum Flokksins, sem gera mikið með allt sem hún segir. Kolbeinn maður hennar er hinsvegar meðal helstu ráðamanna Framsóknarflokksins þar sem hann gegnir því hlutverki að vera einhverskonar leikstjóri bak við tjöldin. Mörgum þefir þókt það mestu mistök frú Ingveldar að taka gripinn hann Kolbein á löpp, en ég er nú ekki viss um að svo sé. Kolbeinn er náskyldur Siv, en ég segi ekki frá því hvernig sá skyldleiki er til kominn; það er altso ekki sona venjulegur skyldleiki eins og ættfræðingarnir leggja til grundvallar sínum fræðum.