Enn hefir snöru snúna snögglega þeim tilbúna ...

Þar kom að því að Umhverfisstofnum sagði nóg komið af hinu fræga kraftaverki Sjálfstæðisflokksins í Helguvík og sló United Sílíkón af með snöggu hnífsbragði. Um leið hrundi til grunna kraftaverkaveislan mikla sem Suðurnesjamönnum var gjörr og verður víst lítið um helgihald og stóriðjubiflíulestur í Helguvík fyrst um sinn. Fyrr hafði komið í ljós að frá verksmiðju United Sílíkón stafaði aungvum heilögum anda, þvert á móti fyritis loftið í Keflavík af illum anda og djöfullegum, svo römmum, að ætla mætti að sjálfur höfuðpokurinn í Helvíti hefði komið þar upp útibúi sínu, illu og óhrjálegu.

Hinsvegar situr Árni Sigfússon, kraftaverkamaður fyrir óheilagan anda stóriðjuguðsins, enn í bæjarstjórn Reykjanessbæjar og botnar enginn lengur í því hvurju hans slímuseta sætir. Hann virðist ekki sjá sóma sinn í að drattast burt af Suðurnesjum eftir að upp komst hvur falspámaður hann er. En sumir menn öðlast aldrei þann hæfileika að sjá sóma sinn og halda áfram uppgerðararhelgislepjuvæli hvað sem tautar og raular, þó allir sjái að það er löngu fjarað undan þeim og þeir líti út eins og hláleg nátttröll. En senn líður ugglaust að því að Suðurnesjamenn leiði Árna stóriðju- og frjálshyggjumann um borð í trillu, en einhver slíkur farkostur finnst þar um sveitir, og róa honum inn á Seltjarnarnes, sem er lítið og lágt, og skipa honum þar á land og feli hann Mammonistum í þeim hreppi á vald.

En brátt mun rísa önnur önnur subbufabrikka af ætt kraftaverka og kísils á Bakka fyrir norðan land, sem vandræðagemsinn og umhverfisvernargúrúinn Steingrímur J. Sigfússon beitti sér sérstaklega mikið fyrir að kæmist á koppinn. Og víst er um það, að snilldarflokkurinn Vinstrihreyfingin grænt framboð og allir umhverfisverndarsinnarnir sém í honum eru, ætlar sér að elska þetta afkvæmi sitt á Bakka og gæta þess eins og sjáldur augna sinna þó svo það dæli eiturgufum frá Myrkrahöfðingjanum yfir gjörvallt Norðurland af svo densilegum krafti að allir Norðlendingar liggji að lyktum í valnum, dauðir úr andarteppu.  

Starfsemi United Silicon stöðvuð