Hún iðar öll af kæti og hoppar á öðrum fæti.

Fastlega má gera ráð fyrir að Jóhanna Sig. iði öll af kæti og hoppi á öðrum fæti í tilefni af því að vera komin aftur í ríkisstjórn fyrir Sjálfstæðisflokkinn; hún hefur nú alltaf verið svo mikil hugsjónamanneskja hún Jóhanna. Ekki þarf að efa, að hin silfurslegna krataDrottning mun berjast eins og röndótt hófaljón í haga fyrir velferð allra skjólstæðinga félagsmálaráðuneytisins í nafni Sjáfstæðisflokksins og mun fyrir vikið hljóta hrós yfirtéttarinnar fyrir að ,,vera svo aumingjagóð," eins og það er kallað á gustukarmáli þeirrar stéttar.

Magnús afhenti Jóhönnu lykil að velferð skjólstæðinga félagsmálaráðuneytis

Athugasemdir

[Óli Sveinbjörnss, 24.5.2007 kl. 21:18]

Ekki allveg að fatta ? Sjálfstæðisflokkinn??? Kannski er ég svona tregur eða.................................................

[Jóhannes Ragnarsson, 24.5.2007 kl. 21:30]

Sá sem styður Sjálfstæðisflokkinn til áframhaldandi stjórnarsetu, er einfaldlega að vinna fyrir Hann. Þannig er nú það, Óli minn. En það liggur nú bara í krataeðlinu að taka að sér svona viðvik fyrir Íhaldið.