Leita í fréttum mbl.is

Beittasti hnífurinn hefir skorið á barnaverndarspursmálið

skegg2.jpgÞá hefir beittasti hnífurinn í hnífaparaskúffunni blessunarlega skorið á barnaverndarspursmálið þeirra Braga, Ásmundar Einars frá Geldingarholti, Píratasamsteypunnar og Stundarinnar. Vonandi verður hið snöfurmannlega hnífsbragð hins beitta Vilhjálms til þess að Píratar láta af þeim ósið að hnýsast í barnaverndamál og Stundargersemin hætti að gaspra um hluti sem þau hafa ekki hundsvit á munu aldrei öðlast vit á.

En Braga skulum vér senda út í heim og Ásmund Einar með honum og óska þess að þeir komi aldrei út hingað aftur. Það er nefnilega ekki gamanmál fyrir fámenna og vammlausa þjóð eins og Íslendinga að hafa hér í landi aðra eins órabelgi og Braga og þennan frá Geldingarholti. Á sínum tíma var bannað með lögum að hræða börn með Grýlu og jólasveinum. Þannig skal og halda áðurnefndum eftirmönnum Grýlu og jólasveina frá börnum nútímans. Reyndar munu Grýla kerling og Leppalúði friðill hennar vera um þessar mundir ráðherrar í ríkisstjórn Íslands, en vér erum sem betur fer orðin svo vön að hafa alskyns flögð og bergþursa í æðstu stöðum að vér kippum oss ekki upp við slíkt.

rat4.jpgÍ hinu grimma barnamáli, sem hér hefir geysað síðustu daga, er komin upp densilega kynlega staða. Píratar hafa nefnilega heimtað afsög ráðherra vegna þessa máls, og satt að segja brestur mig hugmyndaflug til að ráð í hvað þau vilja gera við Braga kallangann. Gerist það aftur á móti að bæði Bragi og ráðherrann geti hreinsað sig af sökum þeim er Stundin og Píratar hafa borið á þá, er viðbúið að þingflokkur Pírata verði sjálfur að segja af sér og skila inn kennitölu Pírataflokksins; ennfremur að þá verður gersemunum á Stundinni nauðugur sá kostur að loka sjoppunni og skríða að svo búnu inn í músarholurnar sínar, undan því munu þau ekki geta vikist. 


mbl.is Vill fara varlega í trúnaðargögnin
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Aztec

Ég held það væri betra ráð að sparka öllum helvítis kellingunum í barnaverndarnefndunum á út í hafsauga. Nema kannski í Skagafirði.

Hinar femínistatíkurnar mættu alveg fljóta með.

Aztec, 30.4.2018 kl. 20:21

2 Smámynd: Aztec

Mér lízt ágætlega vel á það sem þú leggur til í síðustu málsgreininni.

Hins vegar hefur það góða komið úr þessu að það verður gerð úttekt á öllum barnaverndarnefndarmálum og þá mun væntanlega koma í ljós hvernig þessar nefndir í hinum og þessum bæjarfélögum, aðallega á höfuðborgarsvæðinu hafa notað valdníðslu og andlegar pyntingar gagnvart börnum til að seðja eigin þörfum.

Enda hafa þessar nefndir alla tíð hunzað Barnasáttmála SÞ og Barnalög Alþingis.

Aztec, 4.5.2018 kl. 13:04

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband