Af hverju hættir þetta lið ekki leikaraskapnum og lygunum?

Af hverju hættir þetta lið ekki að kalla sig ,,vinstri græn"? Ætli það stafi ekki af eðlislægum óheiðarleik? Sennilega. VG er ekki vinstriflokkur. Hvað er hann þá? Af verkum hans má merkja að hann sé hægriflokkur, kanski hægfara. En hvernig er hægt að komast upp með það árum saman að ljúga því að kjósendum að VG sé vinstri flokkur? Það er snúið að skilja þessháttar. Þó kæmi ekki á óvart fólki, svona almennt, skorti hugmyndaflug til að trúa því að heill stjórnmálaflokkur leggi sig í framkróka við að segjast vera það sem þeir eru alls ekki.

Það er gjörsamlega tilgangslaust fyrir vinstrisinnað fólk í Kópavogi að kasta atkvæðum sínum á glæ með því að kjósa VG, enn síður er hinn eindregni hægriflokkur, Samfylkingin, þess verð að fá atkvæði þessa fólks.

Til að gera langa sögu stutta, þá er aðeins einn vinstriflokkur í kjöri við bæjarstjórnarkosningarnar í Kópavogi í vor og þangað eiga vinstrisinnar að beina atkvæðum sínum. Það er ánægjulegt að nú gefst Kópavogsbúum kostur á að kjósa Sósíalistaflokk Íslands. Endurreisn sósíalisma á Íslandi er hafin. Það eina sem nú getur tafið þá endurreisn eru ósvífnir loddarar og lygamerðir, en þeir stöðva hana ekki héðan af.

Vilja fjölskylduvænni og grænni Kópavog

Athugasemdir

[Jón Valur Jensson, 10.5.2018 kl. 10:36]

Bragð er að þá barnið finnur, er oft sagt, jafnvel um fullorðna menn, en einlæga.

Svo er spurning hvort þú sért ekki að fara úr öskunni í eldinn með þessu? Er Sósíalistaflokkurinn Marx-Lenínistaflokkur, sumir þar Stalínistar fram í andlátið (eins og faðir nýkjörins formanns Eflingar sem er á listanum)?

Og hvers lags pólitískt skoffín (eða kannski hamskiptingur, sbr. Beowulf-þættina) er þessi Gunnar Smári? Gætirðu ekki skrifað skemmtilega mergjaða sögu um það eins og annað, ágæti Jói?

Og ertu nú fallinn ofan úr því að vera Ólsari "niður" í Kópavogsbúa? (ef fall skyldi kalla!). Hvað segja Samtök fyndinna landsbyggðamanna við því?