Ráðlegt er, og svo framvegis, í Drottins nafni

Að fara í hagfræði, lögfræði, viðskiptafræði, fara til ,,starfa" hjá fjármálageiranum, setjast í spillingarsúpuna á Alþingi, allt jafngildir þetta því að fara í hundana. Hagfræði, viðskiptafræði og lögfræði eru háborgaralegar yfirstéttargreinar til þess gerðar að setja ,,akademískan" falsstimpil á ránskap, lygar, spillingu, arðrán og annann óþokkaskap kapítalismans og kapítalistanna. Þeir sem fara í hundana af fyrrgreindum ástæðum eru nærri því brjóstumkennanlegri en róninn í strætinu, nema hvað róninn er ævinlega stálheiðarlegur maður í samanburði við vesalinga hagfræðinnar, viðskiptafræðinnar og lögfræðinnar.

Einusinni heyrði ég virtan lögmann segja okkur í kennslustund, að lögrfæði væri iðngrein sem miðaði að því að gera glæpi og óréttlæti að lögmætum dyggðum í huga fólks og samfélagsins, sem og að fremja stórglæpi án þess að réttvísin gæti tekið á þeim. Síðar gerði ég mér grein fyrir að hagfræði væri einskonar skrautgjafapappír utan um hroða og blekkingar kapítalismans og hið sama ætti við svokallaða viðskiptafræði. Þið hafið máske tekið eftir því að burgeisarnir, auðvaldsfrömuðurnir og arðræningjarnir hreyfa sig skjaldan eða aldrei spönn frá rassi öðruvísi en að hafa til reiðar heilt stóð af lögmönnum, hagfræðivesalingum og viðskiptafræðimönnum, auk farísea. Að kalla þetta ,,fræðigreinar" er eiginlega fyrir utan allt sem kallast getur siðgæði og vitræn tilvera.

Ekki trí ég því, að alminnilegt fólk hafi allt gleymt ljóðlínum þjóðskáldsins góða, sem sé að: ,,Ráðlegt er að hafa í hakk / hagfræðinga og skítapakk." Í þessum tveimur stuttu og eitursnjöllu línum hefir listaskáldinu tekist að benda á auðvirðilega fúlmennsku hagfræðibröltins og ennfremur hvaða örlög kunni vel að henta þeim þvættingi. Hinsvegar er rétt að taka vara við því að hakka hagfræði og ,,fræðinga" hennar ofan í fólk eða önnur kvikindi; slíkt hakk er einungis brúklegt til förgunar á stöðvum sem taka að sé að eyða spilliefnum.

Frægir Íslendingar sem breyttu um stefnu