Síra Baldvin tók á kvenprestum og kvenbysskubbi í predíkun sinni

Er síra Baldvin fékk fréttirnar af skilnaði síra Hildar Eirr var hann staddur í skrúðhúsi sínu. Fyrst horfði hann votum sorgaraugum á flutningsmann fréttarinnar svo rétti hann úr sér og hló svo grimmilega að musterið gnötraði stafnanna á milli og frá grunni og upp í hæsta punkt á kirkjuturninum. Safnaðarformaðurinn, en það var hann sem skýrði síra Baldvini frá skilnaðinum, varð svo hræddur þegar hinn mikli kirkjuhöfðingji upphóf hláturinn að hann tók til fótanna og lét ekki staðar numið fyrr en undir rúmi heima hjá sér; hann varð nefnilega raunverulega hræddur um að kirkjuturninn mundi ekki þola bylgjulengdina í hlátri sóknarprestsins og hrynja niður í höfuðið á þeim.

Morguninn eftir boðaði síra Baldvin til aftanmessu og þar gjörði hann enn og aftur grein fyrir skoðun sinni á kvenprestum og almennri úrkynjun og hnignun guðskristni og kirkju á Íslandi. Og þá hann kom að þeirri staðreynd að byskubb Íslands er kona gat hann ekki á sér setið að taka sér í munn afar ljót og niðrandi orð um þessa fyrirliggjandi staðreynd. Þetta var meira að segja svo hroðalegur munnsöfnuður að sóknarbörnunum sortnaði fyrir augum hvar þeir húktu á bekkjunum eins og veikir foglar á grein. So rak síra Baldvin upp voðalega hryglu, sem átti að vera dárahlátur, og fór að segja að nú hefði einn þessara sokölluðu kerlingarpresta stampað karlinum sínum, látið hann sigla sinn sjó, rétt eins og Frelsarinn hefði boðið henni það.

Síra Baldvin hélt áfram: Nei, afstyrmin ukkar, Frelsarinn var aunginn andskotans fémíníst, því síður sosialíst. Það er ukkur ljóst þótt heimsk séuð og illa að ukkur í guðfræðinni. Frelsarinn hefir alla tíð verið í Sjálfstæðisflokknum, ofast á framboðslistum hans við kosningar, og ætíð með ráðherrum Sjálfstæðiflokksins og aðstoðað þá í hvívetna. Já. Og Frelsarinn hefur sérlega mikið álit á honum hérna Hannesi Hólmsteini og honum Kristjáni Þór Júlíussyni. Og þó að fólk viti almennt ekki af því, þá er nú staðreyndin sú, að Frelsarinn skrifar oftar en ekki leiðara Morgunblaðsins, Staksteina og Reykjavíkurbréf blaðsins. Þess vegna höfum við í okkar sókn afsagt byskubbinn, af því hann er kvendi, og allar þessar steplubuddur sem þykjast vera prestar og stofnað okkar eigin rétttrúnaðarsókn.  

Hildur Eir og Heimir skilin