Gott hjá Gvendi að sýna markmannarassgötunum í tvo heimana

Það er rétt hjá Gvöðmundi Þórði að sýna þessum markvarðarassgötu í tvo heimana og fleygja þeim í eldsofninn, eins og sagt er í hinni helgu bók kristinna manna. Í gærkveldi höguðu merkverðir íslenska handknattleikslandsliðsins með þeim hætti að aungvu máli hefði skift þótt þeir stæðu bak við markið eða hefðu verið að elta mýrisnípur og keldusvín austr í Flóa. Það er verst að ekki skuli vera hægt að sækja svona ekkisins markmenn til saka og dæma þá á Hraunið fyrir skammarlega frammistöðu. Eða hvað er hægt að segja um landsliðsmarkvörð sem víkur sér fimlega undan hverju skotinu á fætur öðru?

Í gærkveldi var samfellt sorg á flestum heimilum landsins; börnin grétu sig í svefn yfir óstjórnlegu tapi Íslands gegn Maggadonníju og djöfullegum aðförum markmannanna. En Gvöðmundur Þórður er sem sé búinn að bannfæra helvíska dárana og fela þá Sathani til skemmtunar. Og nýju markmennirnir skulu skohh ekki halda að þeir geti hagað sér eins og halklipptir hundar í íslenska markinu, verið blindfullir eða í annarlegu ástandi eins og höfuðsóttarrollur frá miðöldum. Já.

Og ef þessir delar tapa í Skopje, næstkomandi sunnudagskveld, þá þurfa þeir ekki að hafa fyrir því að koma heim aftur; þá verða þeir að láta sér lynda að fara hulduhöfði á Jövu, Balí eða Suðuramriku. Ekki mun heldur þýða fyrir Gwöðmúnd Þórð að reyna að laumast aftur til Íslands, ef allt fer á verta veg í Skopje; hann verður hixtalaust sendur í strigapoka til Blálands ef honum sést so mikið sem bregða fyrir á Íslandi eftir soleiðis uppákomu. 

Guðmundur sendir markverðina heim