Vér Íslendingar eigum líka vaskan lögregluvarðstjóra

Alveg er þetta til fyrirmyndar hjá Amríkananum. Sona á að taka á mæðrum sem ekki hafa hundskast til að aga hin uppivöslusömu krakkadýr sín. Krakkaskrattinn mé á bílasæðið og árvökull lögregluþjónn sá ódæðið og handsamaði móðurina og stakk henn í svartholið, en krakkinn sendur á barnaheimili þar sem gert er grín að honum. Það væri óskandi að íslenska lögreglan verði einhvern tíma það burðug og röggsöm, að hún hiki ekki við að taka kerlingar og krakkaóbermi úr umferð, sem kukka og míga á gangstéttir og bak við bíla í bílastæðum; en það verður víst einhver bið á því - og þó.

Hálfdán varðstjóri elti sjö ára óþokka, sem grunaður var um að hafa hellt hágrænni lakkmálningu inn um bréfalúguna hjá saklausu fólki. Drengurinn hljóp öskrandi heim til sín og Hálfdán á eftir og hurfu þeir inn í hús foreldra hins fyrrnefnda. Skömmu síðar sáu nágrannar fólksins Hálfdán lögregluvarðstjóra draga eins og allnokkuð hlass á eftir sér út um dyr hússins. Fljótlega kom í ljós að hlassið sem Hálfdán dró út vóru foreldrar piltsins litla. Nú hafði varðstjórinn heldur aungvar vöflur á og handjárnaði foreldrana við flaggstöng á lóðinni og geymdi þau þar meðan hann sókti lögreglubifreiðina.

Svo fór Hálfdán sína leið með foreldrana en skildi krakkann eftir, sem hann aldrei skyldi gert hafa. Því þegar lögreglubifreiðin var úr augsýn beið drenghnokkinn ekki boðanna og lagði eld að húsinu, sem hann hafði hellt málningunni inn í, og brann það til kaldra kola. Á lögreglustöðinni fengu foreldrarnir aftur á móti að vita hvar Davíð keypti ölið, því ekki hafði Hálfdán lögregluvarðstjóri fyrr sópað þeim inn í fangaklefa en hann reif utan af þeim fötin og fór að pína þau af fullkominni einurð. Þegar hann hafði leikið listir sínar í drjúga klukkustund kallaði hann hina illu og hugsjúku lögreglukonu, Hvanndísi Tíkartönn, sem svo er kölluð, sér til halds og trausts, og þá fór fyrst að kárna gamanið fyrir alvöru hjá hjónunum, sem góluðu og báðu Guð að hjálpa sér úr þessum voðalega fangaklefa. En Hvanndís, þessi röska lögreglukona, sefaði gráthljóð hinna óhamingjusömu foreldra með því að stinga nærbuxum upp í þau. 

3 ára kom óléttri móður í lögregluklandur