Tókst nokkuð vel til og mannfall mikið

Gwöð láti nú gott á vita, ef rétt er að öskurdrengirnir okkar í Ísrael hafi verið sendir í smíðahús í dag og látnir negla og negla, tútommu, fírtommu, sextommu og lánga og digra nagladrjóla í byrðing á tréskipi nokkru, sem til stendur að gera út á fiskveiðar á Genesaretvatn í sumar (Skipstjóri Pétur Og Pálsson Mokk). Í fyrradag fóru þeir saman út á átakasvæðin til að berjast; það tókst nokkuð vel til og mannfall mikið. Þegar þeir snöru aftur í blaðamannahöllina beið þeirra blindafyllirí, og var ástand blaðamannanna með hreinum ólíkindum, því þeir, sem ekki lágu lágu örvita í hægðum sínum á gólfinu, slöngruðu jafnvægislitlir um gólf, rekandi upp ógnvekjandi hljóð, væl og kurr og fryggðarstunur.

Nú, sennilega verður ekki með nokkru móti komið í veg fyrir að haturs-ungmennin okkar í Gyðingalandi stígi á svið þarna úti og fari með kveðandi sína fyrir alheimi. Ljóðalestur drengjanna er fyrir nokkrum vikum orðinn alræmdur hér á landi fyrir óhuggulegheit, urr og sóðaskap. En fljótt kom á daginn, í kjölfar sigurgöngu saungsveitarinnar, að Íslendingar vóru vel með á nótunum, allt frá forsetanum á Bessastöðum niður í nær ómálga leikskolabörn, og fóru að kyrja saungva hataranna eins og smátelpur fyrrum höfðu bænavers yfir um leið og þær lögðust á koddann að kveldi dags. En þetta sýnir auðvitað að Íslendingar eru óttalegir vitleysingar og botndreggjar mannlegs samfélags.

Þá kemir nú óforvandis upp í hugann eldri frásögn af því þegar þrír íslenskir drengstaular, átján- og nítján ára, fengu þá maðkaflugu inn í heilana á sér, að þeir ættu að fara pílígrímsför austrí Gyðingaland til að forfæra Ísraelstelpur með sér í baldið kynsvall. Ætlunarverkið tókst svo með afbrigðum vel, að þeir vóru sendir í járnum á höndum og fótum með ísraelskri herþotu til Íslands og afhentir íslenska utanríkisráðherranum. Í orðsendingu, sem orustuflumaðurin færði utanríkisráðherranum frá forsætisráðherra Ísraels, stóðu þau orð, bæði á engelsku og hebresku, að ef sona djöflar, uppfullir af sora og Djöfulsins sæði, kæmu aftur frá Íslandi til til hins hrjáða Ísraelsríkis mundi það jafngilda stríðsyfirlýsingu og þá mundi á svipstundu allur hernaðarlegur flugfloti ríkisins hefja sig til flugs og gera leiftursókn á Ísland og aungvu eira. 

Hatari negldi síðustu æfinguna