Leita í fréttum mbl.is

Ætlar að skera upp herör gegn fíflagangi popúlistaklerka, guðlasti þeirra og dáraskap

prestur2Prestarnir og guðsþjónusunar verða nú sífellt poppaðri, popúliskri og kjánhrollslegri. í gær lét klerkur með sanntrúaða Liverpoolfótboltasótt múgæsingarsamkomu í musteri sínu með það eitt fyrir augum að gera Liverpoolaðdáendur vitfirrta af æsingi og bilja Guð um að gjöra knattspyrniliðið Liverpool FC að englandsmeisturum og í leiðini að heimta af Drotni að hann hlutaðist til um að leikmenn Manchester City biðu afhroð og hyrfu allir sem ein fótbrotnir til éljavítis í eilífa útskúfun. Er skemmst frá að segja að Guð gerði ekkiert með bænaköll Liverpoolprestsins en refsaði honum grimmilega með óðum niðurgangi í gærkvöldi, alla nótt og fram til hádegis.

Og ekki vildi kvennsniptin, sem það hefir fyrir sálusorgara á Selfossi, vera minni fyrir sér en Liverpoolskröggurinn og setti gaddakrans úr herbúðum félags BDSM samtakana um hálsin á sér í stað skrítna kragans, sem prestar eru vanir að brúka er þeir embætta. Með þessa ekkisins göddóttu hundaól fimbulfambaði, hoppaði og gól þessi furðugvöðskona fyrir altarinu og söng sjálf paunkaða BDSM sálma og ragmanaði kirkjugesti að taka undir með sér. Gamla fólkið á fremsta bekk fékk á tilfinninguna að hin göddótta kerling væri hálffull, hefði sökkt sér heldur djúpt í messuvínið áður en messan hófst og gerðu athugasemdir þar að lútandi við meðhjálparann, sem varð skömmustulegur og tuldraði um að sumir þyrftu ekki áfengi til að haga sér ósæmilega á almannafæri.

Úr því sem komið er ætti aunginn að verða undrandi þótt vel poppaðir guðsmenn með vígslu messi og þjóni fyrir altari í eftirlíkingu af embættisbúningi Adólfs eitins Hitlirs, nú eða vitaberrassaðir, með buxurnar á hælunum. Sjáið þið ekki fyrir ukkur poppúlistóðan og drukkinn framúrstefnudómkyrkjuklerk berjast við að klöngrast upp í predíkunarstólinn með buxurnar eins og fótahaft um hælana? Einn er þó sá kirkjuhöfðingi og trúarhitajésúít sem hefir ómældar áhyggjur af framferði ungpresta og kvenpresta í kyrkjum landsins, en það er sjálfur höfuðklerkurin síra Baldvin, prestur og prófastur til Gemlufallsþinga. Hann hefir nú heitið því, fyrir altari í höfuðmusteri sínu, andspænis troðfullri kyrkju af sanntrúuðum kyrkjugestum, að skera upp herör gegn úrkynjuðum prestsskepnum, sem leggja í vana sin að hafa í frammi fíflagang, guðlast og dáraskap við heilagar athafnir í guðshúsum. 


mbl.is Setti upp gaddaól í miðri messu
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Nauðsynlegt er að skrá sig inn til að setja inn athugasemd.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband