Leita í fréttum mbl.is

Hundstíkarlangspil

ratDjöfull er hún nú róttæk litla boran þegar hún tekur sig til fyrir aftan markið. Ef við skipjum rétt, þá er þessi undur sérkennilega hirðmey Stengríms og Swavars aldeilis á því að aungin mörk eigi að vera á fóstureyðingum, sem þýðir væntanlega að dugmiklar kvinnur geta, ef þeim sýnist svo, látið ,,eyða" fram á síðustu stundu. Þegar þar er komið munu hinar róttæku efrimillistéttarkvinnur ,,Vinstri"grænna heimila útburð barna með glöðu geði, sem aftur mundi ýta á heimildir til að lóga ófétislegum og óviðráðanlegum unglingum.

Allt er þetta gott og blessað og fallegar vörður á leiðinni á upptöku dauðarefsinga og opinberra flenginga á Austurvelli, svo eins og þegar Guðmunur fjósarauður, böðull Reykjavíkurstjórnar, hýddi þrjá Húnvetninga, fyrir illa framkomu og gripdeildir, að viðstöddu fjölmenni. Og meðfram því að stefna að fóstureyðingum fram á síðasta dag, þá hyggjast skjáturnar í VG selja land og grafa bein í líki orkupakka og rafstrengs frá Íslandi og út í heim. Og ekki er annað að sjá en þessu eindæma hyski fari sérlega vel að liðka fyrir frjálhyggjupólitík Hannesar Hólmsteins og frú Thatcher, sem þessir ormar þóktust vera á móti meðan Ögmundur Jónasson var innanborðs í VG; til allra heilla og hamingju tókst undanrennuleppunum og skrípunum að velta Ögmundi fyrir borð og berja á klærnar á honum með árum og hömrum þegar hann reyndi að hífa sig aftur um borð.

Já, drengir mínir, þau gjörast nú óskammfeilin gluggaskrautin og sjúga jafnt og þétt í sig íllt innræti eigenda sinna. Við þessum ósköpum eru aungin læknisráð, enda ekki þágu kapítalismans að láta finna upp meðöl við óheiðarlegu stjórnmálapakki, sem hægt er kaupa aftur á bak og áfram, og spila á eins og spólurokka og hundstíkarlangspil. Ojbara. 


mbl.is Hefði sjálf viljað ganga lengra
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband