Ábyrgðarleysið og sauðshátturinn verður í minnum uppi um aldur og eilífð

Það dugar nú, skal ég segja ykkur, aungin vatnsgrautarmiskunnsemi við slíkt glæpakvendi, sem svindlar sig með fölskum pappírum inn á bráðveik gamalmenni til þess eins að éta upp lyfin þeirra. Vér erum stórhneyksluð á lögreglunni á Vestfjörðum fyrir að hafa sleppt svo illa hættulegri manniskju úr fangelsinu eftir aðeins örfárra klukkustunda vist. Gera þeir sér ekki grein fyrir hvaða vá stafar af konunni? Ha? Eða eru þetta alveg ábyrgðarlausir sauðir? Það er eins víst að næst verður glæpakvendið stórtækara í gjörðum og lætur sér ekki nægja að éta stöffið gamla fólksins, heldur er hún eins líklegt til að éta það sjálft með ullarsokkunum og öllu saman.

Auðvitað átti að flytja kvendið suður með þyrlu og fela það í höndur Hálfdáns Varðstjóra. Ja, sá hefði nú verið fljótur að reka hinn illa glæpaanda úr konunni og verka hana sjálfa samkvæmt Lögreglubókinni, en sú bók er biflía lögregluþjóna, enda samin af Hálfdáni Varðstjóra sjálfum. Í framhjáhlaupi er skylt að geta þess, að annað kvendi, stútungskellíngarrass um fimmtugt, át svo mikið af lyfjum veika fólksins á deildinni þar sem hún vann, að hún stökk út um gluggann á sjöundu hæð, því að hún hélt hún væri orðin leðurblaðka og hugist skjótast allra snöggvast á kránna niður í bæ og fá sér ölsopa, því hana þyrsti. Kona þessi hafði skömm á vatni, taldi það eiturdrykk og aumingjagutl, þar af leiðandi lét hún vatn ekki inn fyrir sínar varir. En hún flaug ekki oftar eftir ferðina út um gluggann á sjöundu hæð. Nei nei, það gerði hún ekki.

En ástandið á eftir að versna þar fyrir vestan fyrst þeir slepptu glæpakvendinu lausu. Ekki kæmi á óvart, að dómsmálaráðherra, sem hefir legið á bæn í allan dag og drukkið messuvín með, þurfi að kalla út landher vegna Vestfirðinga, því glæpakvendið hefir ekki ekki látið af störfum, ef vér þekkjum það rétt. Það er þó ekki víst að það dugi, því þókt dómamálaráðherra sé trúuð kona og staðföst og geti þegar sómi liggur við neitað sér um hvítvín og látið sér messuvín duga á föstudaginn langa, þá mun kona sú er lagst hefir á verstfirs gamalmenni verða henni erfiður ljár í þúfu. Sleifarlag lögreglunnar á Vestfjörðum í glæpakvendismálinu verður aftur á móti lengi uppi með þjóðinni, sem ófagurt dæmi um ábyrgðarleysi og sauðshátt.

Bakverði sleppt að lokinni yfirheyrslu

Athugasemdir

[Þorsteinn Siglaugsson, 10.4.2020 kl. 20:30]

Góð mynd af dömunni. Annars hef ég einhvern veginn grun um að þarna hafi veðmál verið á ferð. "Hjúkkan" hafi verið í góðu partíi. Svo hafi áfengi og pillur verið á þrotum og henni hugkvæmst að athuga hvort krækja mætti í spritt og róandi lyf fyrir vestan og veðjað þúsundkalli um að það tækist. Prentað síðan út prófskírteini frá Hong Kong og bara drifið sig. En svo hefur auðvitað allt komist upp þegar hún átti að gefa sjúklingi hafragraut og var gripin við að reyna að troða skeiðinni upp í rasskatið á honum. Þá kom í ljós að hún hafði misst af fyrsta árinu í hjúkrunarfræði, en þar læra þær einmitt um það, hvað á að fara í hvaða gat á sjúklingnum.

Gleðilega páska!