Samhygð og samstaða Katrínar, Flokkseigendafélagsins og undarennuunganna

Samhygð og samstaða, Katrín Jakobsdóttir? Ef þú kynnir að skammast þín, værir siðferðislega rétt stillt og óspillt og kynnir þig yfir höfuð gagnvart alþýðu manna, þá hefðir þú ekki látið sjá þig né heyra í útvarpi og sjónvarpi í kvöld. Ef það væri allt í lagi með þig, ef þú siðferðilega heilbrigð og óspillt værirðu ekki með þann stól undir rassborunni sem þú hefir setið í undanfarin ár eins og gangslaus önd sem rúin hefir verið flugfjöðrum sínum. Þá værirðu kannski að vinna í sjoppu, á lager hjá BYKO, eða í fiski niður á Granda hjá honum Guðmundi næstumsveitunga mínum frá Rifi og værir ef til vill búinn að kynna þér stéttabaráttu verkalýðsins og farin að taka dálítinn þátt í henni.

En nei, aldeilis ekki. Þín hugsjón virðist hafa verið að smjúga inn í raðir tvístígandi óheilindafólks á vinstrikantinum, nudda þér upp við þann skríl til að fá tækifæri til að vinna gegn sósíalismanum, fegurst hugsjón alls mannkyns, og þjóna þannig kapítalismanum, auðvaldsþjóðskipulaginu, arðræningjunum, gerast samherji Samherjanna og Guðmundar frá Rifi, Bjarnaben og Engeyinga. Það er varla hægt að leggjast lægra í pólitískum sóðaskap, frú Katrín Jakobsdóttir, eða heldurðu það? Er virkilega eftirsóknarvert að vera falskur, óheiðarlegur og skammarlegur pólitískur úlfur í sauðargæru og veifa svika- og óheilindaeyrunum upp úr ullarflokanum framan í alþýðuna sem stofnaði þennan flokk, sem þú hefur nú verið sett til valda að ófyrirleitnu og borgaralegu Flokkseigendafélagi?

Nei, góða mín, það dylst fáum lengur hvar þín slepjulega og óhreina samhygð og samstaða liggur, með hvaða óaldarlýð þúfutittlingshjarta þitt slær. Það er satt að segja með öllu óskiljanlegt hvernig á því stendur að lítilfjörleg persóna af borgarastétt Reykjavíkur skulir, án nokkurra sjáanlegra hæfileika eða pólitískra hugsjóna sósíalista, skulir hafa orðið varaformaður og síðan formaður Vinstrihreyfingarinnar græns framboðs, sem fyrst og fremst var stofnuð af róttækum sósíalistum.(Ég tel Stenngrim, Álfheiði og Swavarsfjölskylduna og þeirra nánustu ekki með róttækum sósíalistum þar eð það fólk hefur alltaf átt betur heima með peningapervertunum við hina kapítalísku rúllettu í spilasölum auðvaldsins.) En er nú ekki að verða nóg komið, frú Katrín? Það eru langflestir landsmenn búnir að sjá í gegnum þig; þú stendur nú frammi fyrir alþýðunni eins og berrassaður og lítilsigldur auðvaldsþræll, þrátt fyrir að þú vefjir þig inn í margra metra langa ullartrefla þegar þú spígsporar um sali Alþingis, eða klæðir þig í lopapeysu, sem þú lætur ljósmynda þig í með einhverja smáa fífilbrekku í bakgrunni, þegar þú ferð upp fyrir Elliðaárnar. Í það minnsta gætirðu hundskast til að taka ásamt vinum þínum bæði ,,vinstri" og ,,grænt" út úr nafni flokksins sem þú fénýtir. Hreyfingin Framboð væri gott nafn á flokkinn þinn, passlega halaklippt fyrir þig, Stenngrim og Álfheiði. En þú ert ef til vill sama Katrín og kemur fyrir í metsölubókinni hans Tómasar Jónssonar?  

Samhygð og samstaða skiptir mestu

Athugasemdir

[Óskar Kristinsson, 31.12.2021 kl. 22:36]

Blessaður Jóhannes!

Þakka þér innilega fyrir þennan pistil,það sýnir best innrætið og vitsmunina hjá hinum tveimur sem að standa að þessu stjórnarheimili,eftir allt klúðrið sem þessi manneskja var búin að fremja,AÐ SITJA ÞETTA 'I SAMA ST'OLINN AFTUR.

KV 'Oskar

[Jóhannes Ragnarsson, 1.1.2022 kl. 00:22]

Sæll og blessaður Óskar og þakka þér fyrir.

Gleðilegt nýtt ár.