Peningageðsýki, kannabis og kókaín.

Þegar ég las þessa frétt fór ég að velta fyrir mér hvort kannabisnautn auki hættuna á peningageðsýki, sem er eins og margir vita mjög hættulegur og kvalafullur sjúkdómur. Samkvæmt yfirsýn okkar bestu sérfræðinga hefur tíðni peningageðsýki aukist svo mjög hin síðari ár, að hægt er að tala um alvarlegan faraldur. En það er ekki þar með sagt, að hægt sé að skrifa þessa tegund geðkvilla að neinu leyti á kannabisneyslu þeirra sem tekið hafa sjúkdóminn. Hinsvegar leikur grunur á, að alsiða sé orðið meðal betri borgara, einkum nýríkra, að svæla kókaíni upp í nasirnar á sér í tíma og ótíma til að verða hressari og hressari og samkvæmishæfari og klárari í verslun og viðskiptum. Nú ætti það að verða verkefni okkar hæfustu vísindamanna, að rannsaka ofan í kjölinn samspil peningageðsýki og eiturnautnar af hvaða tagi sem er. Og við skulum ætíð hafa hið fornkveðna í huga, ,,að margur verður af aurum api," sem sannar að menn hafa lengi vitað um tilvist peningageðröskunar.  

Kannabisneysla eykur hættuna á geðsjúkdómum

Athugasemdir

[Jóhannes Ragnarsson, 27.7.2007 kl. 11:22]

Alltaf verður mér glatt í geði þegar hinir meðvirku bræður peningageðsjúklinganna taka sig til bregða gagnrýnendum auðhyggju og græðgisvæðingar um öfund. Mér er aftur á móti fullkunnugt um sjúkelga öfund ,,hinna ríku" hvers í annars garð.

Svo er það það náttúrlega alrangt, að peningageðsjúklingarnir skapi einhvern auð. Eðli peningageðsýkinnar er að stunda arðráð, og arðræningjarnir eru þar af leiðandi, hvimleiðar afætur í jakkafötum. Þeir sem skapa auðinn í raun og veru er verkafólkið. Þeir sem ekki sjá það eru einfaldlega andskoti blindir, en hinir sem ekki vilja sjá það eru auðvirðileg fúlmenni til sálarinnar.

[halkatla, 27.7.2007 kl. 11:37]

Go Johannes

[Ingibjörg Friðriksdóttir, 27.7.2007 kl. 11:38]

Dharma og Jóhannes!

Mér verður næstum óglatt að lesa öfgarnar ykkar í millum.

Hafið þið ekki heyrt talað um, „Allt er best í hófi“ Ég hrökklaðist burt frá vinstri, vinstri pólitíkinni þegar Steingrímur tapaði fyrir Margréti forðum.  Þessi málflutningur er svo ýktur að manni verður illt.  Þessi sterku og ýktu lýsingarorð, gera það að verkum að þessi stefna vinstri grænna, verður ótrúverðug.  Síðan þessi dónaskapur í Dharma, hvernig hann óvirðir skoðanir annarra og talar um „landsbyggðartúttur“. Strákar, hlustið á nöfnu mína Sólrúnu.  Hún ber virðingur fyrir öllum, konum og köllum, í öllum stéttum þessa lands, óháð búsetu.  Kærar kveðjur til ykkar beggja.

[Þórdís Bára Hannesdóttir, 27.7.2007 kl. 12:09]

Já hlustum á Sólrúnu og hennar lið

[Jóhannes Ragnarsson, 27.7.2007 kl. 13:55]

Svei mér þá, Ingibjörg, ef þú ert ekki ekta framsóknarmaður, eða öllu heldur framsóknarkona.

[Ingibjörg Friðriksdóttir, 27.7.2007 kl. 15:34]

Komin af góðu Framsóknarfólki í aðra og Allaböllum í hina.  Takk fyrir mig, þegar ég tek það besta frá báðum er útkoman glæsileg og ég styð Samfylkinguna undir forystu Ingibjargar Sólrúnar.

[Jóhannes Ragnarsson, 27.7.2007 kl. 19:26]

Þakka þér fyrir áhugann á pistinum Guðleifur og athugasemdum honum tengdum.

Það kemur mér vissulega spánskt fyrir sjónir þegar menn láta sem þeir viti ekki hvaða störfum verkafólk gegnir. Sé raunin sú Gunnleifur, að þetta atriði hafi farið framhjá þér, vil ég benda þér á að heimsækja einhverja vinnustaði, t.d. fiskverkanir og byggingarfyrirtæki og vita hvort þú finnur ekki þá hina þér framandi tegund, verkamann. 

Það sama er að segja þegar menn þykjast ekki vita hvað arðrán er og láta sem þeir búi í stéttlausu þjóðfélagi þrátt fyrir að staðreyndirnar um annað hrópi að þim úr öllum áttum.

Ég hef tekið eftir því, í gegnum tíðina, að auðvaldssinnar grípa oft til þess óyndisúrræðis þegar lífshugsjón þeirra er gagnrýnd, að brigsla gagnrýnandanum um biturð eða öfund og telja sig þar með vera búnir að koma þeim stipli á hann, að þar fari misheppnaður  eða bilaður einstaklingur sem enginn heilvita maður eigi að taka mark á.