Hnignun Suðurnesjamanna.

Eftir fréttum að dæma, af Ljósanótt í Reyjanesbæ, virðist vera nokkur viðleitni í gangi með að draga úr þeim feyknakrafti sem Útnesjamenn eru hvað frægastir fyrir. Eða hvað? T.d.  segir á mbl.is: ,,Nokkur mál komu til kasta lögreglu vegna ölvunar og óspekta í nótt. Nokkuð var um pústra og slagsmál en engin alverleg mál komu upp." Og í niðurlagi greinarinnar segir einungis: ,,Nokkur afskipti voru höfð af ungmennum sem síðan voru færð í athvarfið. Haft var samband við forráðamenn sem var gert að sækja þau. Einn ökumaður var stöðvaður vegna gruns um akstur undir áhrifum áfengis. Níu fíkniefnamál komu upp og sex minniháttar umferðaróhöpp áttu sér stað í gærkvöldi og nótt." Ja þvílíkt og annað eins, það mætti halda að Suðurnesjamönnum sé farið að fatast flugið og það sé jafnvel farið að gera gys að þeim fyrir snautlegar tiltektir og aumingjaskap. Eða hvað er orðið af þeim fræknu Suðurnesjamönnum, sem létu sér ekki muna um að ,,sækja gull í greipar hinum geigvæna mar, sem ekki nema ofurmennum ætlandi var?"

Mikill mannfjöldi á vel heppnaðri ljósanótt

Athugasemdir

[Þórdís Bára Hannesdóttir, 2.9.2007 kl. 11:18]

Alstaðar hnignun.  Sama hvert litið er.

[Ólafur Björn Ólafsson, 2.9.2007 kl. 16:26]

Já hnignun? Engir Færeyskir dagar í Ólafsvík, en alltaf góð stund á Grundarfirði, Svo hér í Reykjanesbæ var flott og gaman var líka í gæslu í nótt.

[Jóhannes Ragnarsson, 3.9.2007 kl. 21:10]

Já við Ólsarar erum vaxnir upp úr Færeyskum dögum; búnir að fá nóg af moldfullum aðkomukrökkum, skítandi og mígandi fyrir utan stofugluggana hjá okkur.