Drullusokksháttur Samfylkingarinnar

Alveg má það heita furðulegur fjandi hve illa Samfylkingarfólki gegur að standa í lappirnir gagnvart ásælni auvaldsaflanna við að komast yfir sameignir landsmanna, hvort heldur um er að ræða auðlindir, fyrirtæki eða stofnanir. Ágætt dæmi um þennan drullusokkshátt Samfylkingarinnar, kemur ágætlega fram í málflutningi Katrínar Júlíusdóttur á mbl.is. Ekki er annað að skilja á þingmanninum, en hún sé þess albúin að veita fjárplógsmönnum stuðning sinn í baráttu þeirra við alþýðuna í landinu um sameiginlegar auðlindir almennings í raforku- og jarðvarmaframleislu. Það er alveg ótrúlegt, hve Samfylkingunni er illa treystandi á flestum sviðum. Það virðist engan vegin vera hægt að sjá í hvora löppina þessi alræmdi leiðindaflokkur ætlar að stíga í það og það skiptið - en hann kiknar alltaf í hnjáliðunum þegar auðvaldsvargarnir klappar honum á hægri öxlina.

Mikilvægt að efla traust milli opinberra aðila og einkaaðila á raforkumarkaði

Athugasemdir

[Sigurður M Grétarsson, 16.10.2007 kl. 12:45]

Hvernig væri að lesa fréttina í heild áður en þú ferð að gagnrýna málflutning Katrínar og Samfylkingarinnar. Þú þarft reyndar ekki annað en að lesa punktana þrjá frá Katrínu í lok þessarar fréttar til að sjá að þessi athugasemd þín er út úr kú.

Ef þú nennir ekki að lesa fréttina þá kem ég hér með þessa punkta, sem eru í samræmi við annað í fréttinni.

Í fyrsta lagi að eignarhald á yfirgnæfandi hluta auðlinda og réttinda verði áfram tryggt í meirihluta eign ríkis og sveitarfélaga.

Í öðru lagi að samkeppnis- og sérleyfirekstur verði aðskilinn.

Í þriðja lagi að sérleyfisreksturinn, þ.e. almannaveiturnar, verði í félagslegri meirihlutaeigu.

[Jóhannes Ragnarsson, 16.10.2007 kl. 12:59]

Punktarnir sem þú nefnir, Sigurður minn, segja allt sem segja þarf um loðmullulegan málflutnig Samfylkinarinnar. Út úr þeim, er ekki annað hægt að lesa en að Katrín gefi grænt ljós á aðkomu auðvaldsbesefa allra handa að orkugeiranum. En allt er þetta þó óljóst og gruggugt, eins og venjan er hjá Samfylkingunni. 

[Þorkell Sigurjónsson, 16.10.2007 kl. 13:46]

Fastir liðir eins og alltaf hjá krötunum og þarf ekki annað en fara aftur til áranna þegar þeir kratarnir sátu í ríkisstjórn með íhaldinu, viðreisnarstjórninni. Það væri verðugt verkefni alþýðunnar í landinu í dag, að út væri gefin upplýsingabæklingur um undirlægju- hátt kratanna í þeirri stjórn .

[Jóhannes Ragnarsson, 16.10.2007 kl. 16:20]

Tek undir, að það væri verðugt verkefni að krataeðlið á Íslandi væri rnnsakað ofan í kjölnn. Ég er ansi hræddur um, þá kæmi ýmislegt broslegt í ljós.