Afdrifarík mistök

Þegar ég las hina fólskulegu árás Landsambands kvenna í Frjálslynda flokknum á Margréti Sverrisdóttur, datt mér í hug smá-vers, sem greinir frá skelfilegum mistökum konu nokkurrar:

,,Hún Mánga gamla var að baka brauð,

en brenndi sig, og gerði skyssu slíka,

að þegar hún var borin í burtu dauð

var brauðið ónýtt líka. 

Vantrausti lýst á Margréti Sverrisdóttur

Athugasemdir

[Þorkell Sigurjónsson, 16.10.2007 kl. 13:33]

Góður.

[Ásthildur Cesil Þórðardóttir, 16.10.2007 kl. 16:18]

Það hefur ef til vill farið fram hjá þér Jóhannes minn, að Margrét hefur lýst því yfir í fjölmiðlum að hún vilji ekkert með Frjálslynda flokkinn hafa, samt situr hún þar í skjóli þeirra sem kusu flokkinn.  Enda fór flokkurinn niður í Íslandshreyfingar 2% eftir að ljóst varð um meirihlutasamstarfið. 

Ég held að fólk sé of fljótt að dæma hér.  Það er allt í lagi að rakka  Björn Inga og aðra niður, en sé tekið á Margréti, þá kemur allt annað hljóð í strokkinn, hann sveik þó bara samstarfsflokkinn, hún sveik sína menn.

[Jóhannes Ragnarsson, 16.10.2007 kl. 16:28]

Ójá, Margrét setti niður hjá mörgum, þar á meðal mér, þegar hún yfirgaf Frjálslynda flokkinn. Hinsvegar bauð F-listinn í Reykjavík fram undir merkjum Frjálslynda flokksins og óháðra í síðustu borgarstjórnarkosningar. Og þegar flokkar hafa með sér ,,óháða" geta málin orðið dálítið teygjanleg þegar á reynir. 

[Ásthildur Cesil Þórðardóttir, 16.10.2007 kl. 17:16]

Rétt er það.  En Margrét var framkvæmdastjóri flokksins og ritari á þessum tímapunkti, svo óháð var hún nú ekki, þó hún þykist nú vera óháð, og ekki er nú nú alveg óháð, því hún er varaformaður Íslandshreyfingarinnar ekki satt.  Og hún kærði Gunnar Örlygsson þegar hann svissaði yfir til sjallanna á sínum tíma.  En það gilda sennilega allt aðrar reglur um hana sjálfa.  Eða það sýnist mér.

[Jóhannes Ragnarsson, 16.10.2007 kl. 17:25]

Ég gat a.m.k. ekki vorkennt henni þegar hún endasentist úr Frjálslynda flokknum yfir í Íslandshreyfinguna svo kölluðu, þó svo hún hafi verðfellt sig fyrir vikið svo um munaði.

[Jóhannes Ragnarsson, 16.10.2007 kl. 21:38]

Svo má ekki gleyma því að þeir tóku við Jóni Magnússyni, en þá þótti mörgum full langt gengið.

Það má til gamans geta, að menn grunar að þessi sami Jón hafi samið ályktun Landsambands kvenna í Frjálslynda flokknum gegn Margréti Sverr. Ef svo er, þá er Jón Magnússon, upp á eigin spýtur, ekki bara kvenfélag Frjálslyndra, heldur heilt landsamband Frjálslyndra kvenna

[Ásthildur Cesil Þórðardóttir, 17.10.2007 kl. 10:53]

Mér þætti gaman að sjá forystumenn flokks sem neituðu fólki inngöngu.  Nei þú mátt ekki koma í minn flokk, þú ert ekki velkominn hér ? Er það þannig í ykkar flokki/flokkum.  Það er ólíku saman að jafna, hvort maður tekur við fólki sem vill koma með, eða hvort maður deilir á manneskju sem gerir slíkt.  Það er frá sitt hvoru sjónarhorninu.  OG ekki man ég betur en Davíð Oddsson tæki Gunnari opnum örmum, þrátt fyrir að hann hefði deilt á Frjálslynda að hafa "slíkan" mann innanborðs. 

Það sem aðallega fer fyrir brjóstið á mér, er þessi tvískinnungur í Margréti, hún er með þessu að segja að það gildi önnur lögmál fyrir hana en aðra.  Það er ekki góður eiginleiki í stjórnmálum. 

Ekki veit ég hvort Jón Magnússon samti ályktunina, en þó hann hafi gert það þá var hún samþykkt af konunum sem stóðu að henni.  Það er enginn skömm að því að láta lögfróðan mann semja ályktun fyrir sig, eða allavega finnst mér það ekki.