Hengdur upp á hreðjunum væri hæfileg refsing

Aumingja blessaður drengurinn að missa bílprófið sitt ævilangt fyrir ekki meira en þetta. Það virðist gjörsamlega hafa gleymst að gaumgæfa ljósu hiðarnar á þessu máli. Það er t.d. aðdáunarvert, að ökumaðurinn ungi skuli hafa getað hafið sig til flugs á BMW á Kringlumýrabrautinni, þó svo að flugferðin hafi orðið helst til endasleppt og lendingin hafi í einhverjum atriðum misheppnast. En svona atvik er samt ekkert til að gera veður út af. Ég held, þegar allrar sanngirni er gætt, að hæfileg refsing fyrir ökumanninn hefði verið virðuleg hreðjaupphenging í næsta ljósastaur og lögreglan látið þar við sitja.

Lögreglan: Ótrúlegt að ekki skyldi verða stórslys

Athugasemdir

[Birnuson, 24.10.2007 kl. 12:20]

Hreðjahenging er óneitanlega það sem manni dettur fyrst í hug, en er ekki opinber niðurlæging miklu áhrifaríkari en líkamsrefsing? Nú er ég ekki síst að hugsa um fjársvikara og fleiri; slíka mætti loka inni í búri og hafa til sýnis á Lækjartorgi á hverjum laugardegi.

[Jóhannes Ragnarsson, 24.10.2007 kl. 12:48]

Ég er viss um, Sigurjón, að það myndi laða að mikið af fólki ef fjársvikarar, og fleiri slík ruddamenni, yrðu hafðir í búri til sýnis á Lækjartorgi um helgar.