Fémmafraukur boða hvorugkyns ráðherra !!!

Það er ekki á yfirstéttarfémínístana logið með ruglið og heimskuna sem þeim dettur í hug að bera á borð. Eitt af eftirlætis stórmálum þessara endema, er krafa þeirra um breytta málhefð varðandi heiti á störfum sem flokkast undir tignarstöður að þeirra mati. Karlkynsorðið ,,ráðherra" er að sjálfsögðu ótækt samkvæmt yfirfémínískri málfræði. En því miður standa hinar háttvirtu fémmafraukur ráðþrota gagnvart hinu viðbjóðslega orði ,,ráðherra" því þær geta með engu móti þýtt það yfir á fémínísku svo vel sé; meira að segja hin stórgáfaða Steinunn Valdís hefur nú koxað opinberlega á að snara ,,ráðherranum" til kvenkyns og biðlar nú í ofboði til Íslenskrar málnefndar og heimspekideild Háskóla Íslands að finna nú fyrir sig gott orð af hvorugkyni yfir ráðherraskrattann.

Vill nýtt starfsheiti fyrir ráðherra

Athugasemdir

[Þorsteinn Siglaugsson, 20.11.2007 kl. 21:31]

Sammála þér. Tignarheitin skal þýða, en engin þeirra volar yfir skorti á "sjókonum".

[Jóhannes Ragnarsson, 20.11.2007 kl. 22:08]

Ég get ekki á mér setið að birta snilldartakta Sóleyjar Tomm-fílí-bomm-bomm-bomm um þetta bráðnauðsynlega mál:

,,Þetta er svo sannarlega tímabært mál og þarft - og aldeilis vonandi að þingheimur taki nú við sér. Fyrir einhverjum áratugum reyndu Kristín Halldórsdóttir og Svavar Gestsson (og sjálfsagt einhver fleiri) að þoka þessum málum áfram en þóttu bara hlægileg. Það er svo merkilegt að nú þegar við erum farin að tala um flugþjóna, dagfeður og ræstitækna virðist ráðherratitillinn enn vera heilagur. Og þá er gaman að geta þess að um leið og fyrsta gifta konan tók við ráðherraembætti breyttist titillinn ráðherrafrú í maki ráðherra. Spes? Ég vona heitt og innilega að Steinunn nái þessu fram. Það skiptir máli. Í því samhengi bendi ég á grein eftir undirritaða í Skímu, málgagni móðurmálskennara um mikilvægi þess að tungumálið taki tillit til beggja kynja."

Þess ber að geta að Sóley Tomm er ritari VG og þar með einna fremst meðal jafningja í að koma VG fyrir kattarnef fyrir fullt og allt með fullkomlega veruleikafirrtum málflutningi.

[Fríða Eyland, 21.11.2007 kl. 01:26]

   Hvað með Ráðari eða Aðalráðari..Engilráð Aðalráðari Kirkjumála eða nokkrir Aðalráðar sammælast um getuleysis frumvarpið...