Læknisvottorð uppá lygaveiki

Í gærkvöldi gaf Dagur B. Eggertsson læknir út læknisvottorð þess efnis að Ólafur F. Magnússon læknir sé lygalaupur. Því miður er ég ekki svo kunnugur læknisfræði og læknisvottorðum að ég geti fullyrt hvort hægt sé að dæma menn óvinnufæra sökum lygaveiki, en það liggur samt í augum uppi að krankleiki á borð við ósannsögli er fremur hvimleiður sjúkdómur, nema ef til vill í stjórnmálum þar sem snjallir lygarar eru metnir að verðleikum. Svo getur það náttúrlega gerst að menn og konur geta orðið svo heltekin af illvígum lygasjúkdómi að þau verði gjörsamlega óvinnufær. Þess vegna legg ég til að skipuð verði nefnd lækna sem fái það hlutverk að meta meintan skort Ólafs F. Magnússonar á sannleiksást og enn fremur hvort ekki geti verið hættulegt að láta hann ganga lausann.

Dagur: Óvanur því að samstarfsmenn segi ekki satt

Athugasemdir

[Ingibjörg Friðriksdóttir, 22.1.2008 kl. 09:17]

Lygarar og svikarar geta verið svakalega góðir í vegavinnu.  Einnig er hægt að nota þá á sjóinn, byggingavinnu og jafnvel sem sorptækna.

En í ábyrgðastöður? Nei.

Vísa í kommentið mitt á fyrra bloggi þínu, Haltur leiðir blindan.

[Hafsteinn Viðar Ásgeirsson, 22.1.2008 kl. 12:16]

Ég held nú Ingibjörg að þessi tegund sé ekki mjög æskileg í því litla og sem þarf að vera samhenta samfélagi sem er í gangi um borð í skipi, svo ég get ekki mælt með "lygurum og svikurum" til sjós og raunar ekki ....annarsstaðar en þar sem þeir eru flestir....í pólitík..þar eru þeir sumir álitnir "dugandi menn og konur".

Ég held hinsvegar að ég mundi taka vottorð frá Degi trúanlegt, hann er einhvernveginn þannig....

[Rúnar Sveinbjörnsson, 22.1.2008 kl. 14:05]

Það er eins og skíni í fordóma hjá henni Ingibjörgu. En staðreyndin er að þessu er öfugt farið. Lygarar og svikarar eru góðir í pólitík, en afleitir í vegavinnu, á sjónum og sér í lagi sorphreinsum. Við getum verið án borgarstjóra í mánuði, en sorptæknar stoppa allt þjóðfélagið lygnir og ólygnir.

[Ingibjörg Friðriksdóttir, 22.1.2008 kl. 16:28]

Nei Rúnar, ég held að ég sé laus við fordóma.  Ég er bara að segja, að ef þú ert dugandi þá getur þú unnið, nánast hvað sem er, en ef þú ert svikull og lygin þá átt þú ekki að vera í forystu eða ábyrgarstöðu.

Mér finnst þetta sorgleg staðreynd að svona sé komið fyrir okkur sem eigum að heita lýðræðis þjóðfélag. 

[Fríða Eyland, 22.1.2008 kl. 21:13]

þú seigir það