Frímúraregla Svandísar og Villa

Það var ekki laust við að hægt væri að brosa að borgarfulltúunum frú Svandísi og herra Vilhjálmi í Kastljósinu áðan. Bæði voru sammála um að stýrihópurinn um Orkuveituna og REI hafi skilað af sér tímamótastórvirki í formi skýrslu um REI-málið. Eftir því sem ég komst næst, þá er skýrslan stórvirki af þeirri ástæðu að hún er sameiginleg afurð allra flokka í borgarstjórn, útþynnt og meinlaus. Það er engu líkara en þar hafi vélað um gáttir og garða samtryggingarhersveit borgarstjórnarflokkana þar sem vinir hafa hjálpað vinum þvert og endilangt á allar flokkslínur, hafi einhverjar slíkar línur verið til. Samkvæmt þjóðsögunni munu slík vinnubrögð í mjúku bróðurþeli alsiða innan Frímúarareglunnar. Og það var beinlínis hlálegt að verða vitni að undanbrögðum og flótta kjaftamaskínunnar, Svandísar stýrihópsstjóra, frá sínum fyrri málflutningi í árdaga REI-málsins, því þó hún reyndi eftir mætti að belgja sig út andspænis viðmælanda sínum, tókst henni enganveginn að breiða yfir pólitísku samtryggingarpestina sem leggur langar leiðir af tímamótastórvirki stýrihópsins.  

 

Efast um umboð borgarstjóra

Athugasemdir

[Greta Björg Úlfsdóttir, 7.2.2008 kl. 21:26]

Við þennan pistil hef ég engu að bæta.

[Óskar Helgi Helgason (IP-tala skráð) 7.2.2008 kl. 21:29]

Segi það sama, og Gréta Björg !

Þú ert stórkostlegur, í myndrænum, en sönnum lýsingum, Jóhannes !

Með beztu kveðjum, út undir Enni vestur / Óskar Helgi Helgason

[Guðmundur Óli Scheving, 7.2.2008 kl. 21:29]

Þessi skýrsla er ekkert annað en kostnaður. Varpar ekki ljósi á neitt.

Er bara klúður. Skrifuð af þeim sem málið varðar.

Það finnst mér

[Hagbarður, 7.2.2008 kl. 21:53]

Eftir að hafa kynnt mér efni þessara skýrslu finnst mér hún vera hálfgerður kattarþvottur. Sammála þér Jóhannes.

[Árni Gunnarsson, 7.2.2008 kl. 22:02]

Ég er ekki orðinn nokkur maður til átaka. En ég auglýsi eftir nokkrum þrekmiklum mönnum til að mæta í Ráðhúsið laust uppúr hádegi á morgun og henda þessum afglöpum út, öllum með tölu.

Þessir aular setja upp merkissvip og ræða um það við fréttamenn að af þessu verði að draga lærdóm!

[Halla Rut , 7.2.2008 kl. 22:48]

Ég var hreint agndofa yfir þessum þrumum Svandísar í kvöld.

Ég virkilega hélt um tíma að hún væri yfir skítinn hafin.

[Jóhannes Ragnarsson, 8.2.2008 kl. 12:04]

7.2.2008 : Vinstri græn í Reykjavík fagnar REI-skýrslunni

,,Félagsfundur Vinstrihreyfingarinnar – græns framboðs í Reykjavík haldinn 7. janúar 2008 fagnar nýútkominni skýrslu stýrihóps borgarráðs um málefni REI og Orkuveitu Reykjavíkur og þakkar formanni hópsins Svandísi Svavarsdóttur fyrir vel unnin störf. Niðurstöður og störf hópsins eru til marks um breytt og bætt vinnubrögð í stjórnmálum þar sem þverpólitískt samvinna er höfð að leiðarljósi til að ná fram niðurstöðu í alvarlegu og afar mikilvægu máli."

Brýnt er að tryggja tillögum hópsins farveg og að lærdómur verði dreginn af ferlinu öllu lýðræðinu og almenningi til góða.

Ég trúi því varla að félagsfundur VG í Reykjavík hafi lagt blessun sína yfir samtryggingarskýrslu frú Svandísar. Nær hefði verið að félagsfundurinn hefði gert súperpúmuna afturreka með sín frímúraraplögg. Spurningin er ekki lengur um hvað félagarnir, sem samþykktu meðfylgjandi tillögu, voru að hugsa. Spurningin er hvort þetta fólk hugasar yfirleitt nokkuð. Ja stórbrotin stjónmálabarátta atarna. Þvílikar lítilsigldar múgsálir.  

 

[Þórdís Bára Hannesdóttir, 8.2.2008 kl. 13:06]

Ertu viss Jóhannes? er virkilega engin von um heiðarleika þessa fólks eða að það vilji bætt vinnubrögð? voðalega er þetta sorglegt.  En eitt er víst að ofsalega er ,,ofurpúman" mælsk. Sannast að sjaldan fellur eplið langt frá eikinni.  Hún er foringjaefni hún Svandís.

[Ingibjörg Friðriksdóttir, 8.2.2008 kl. 15:15]

Maður var dæmdur í fimm ára fangelsi, þrátt fyrir að honum tækist ekki að drepa konuna sína.

Hvað er þetta með okkur Íslendinga og stjórmálamenn, er samtryggingin alger.

[Jóhannes Ragnarsson, 8.2.2008 kl. 16:12]

Samtrygging í stjórnmálum er staðreynd og viðtölin við Svandísi og Vilhjálm í Kastljósinu vitnuðu ágætlega um slík vinnubrögð.

Því miður hef ég enga ástæðu til að treysta stjónmálamönnum þegar heiðarleiki er annarsvegar. A.m.k. tek ég orð og athafnir stjónmálamanna með miklum fyrirvara.

Þrátt fyrir ágætan glamranda er frú Svandís Svarsdóttir er ekki foringjaefni, svo mikið er víst. Stjórnmál snúast um meira en viðstöðulaust kjaftamal.

En hvað um það, í íslenskri pólitík er samtryggingin regla og undantekningarnar sorglega fáar. 

[Jóhannes Ragnarsson, 8.2.2008 kl. 18:24]

„Afstaða þeirra lá fyrir og þess vegna þótti ekki vera ástæða til þess að boða þá Vilhjálm og Björn Inga á fund okkar. Þeir höfðu talað skýrt um sína þætti málsins, bæði í fjölmiðlum og í borgarstjórn," sagði Svandís þegar Vísir spurði hana hvers vegna þremenningarnir hafi ekki verið kallaðir á fund nefndarinnar. Aðspurð um það hvers vegna ekki hafi verið talað við Hauk Leósson sagðist Svandís ekki vilja tjá sig. (Af visir.is)