Að raska fölskvalausri íhaldsró

Ætli íhaldið á Álftanesi hafi ekki, eftir 20 ára slímusetu í meirihluta, verið búið að sanka að sér eintómum sauðtryggum sjálfstæðisflokks-jáurum inn á bæjarskrifstofuna? Ég býst við því. Það eru alkunn vinnubrögð þessa einræðissinnaða stjórnmálaflokks.

Ég geri ráð fyrir að félagi Sigurður Magnússon bæjarstjóri hafi náð að raska hinni fölskvalausu íhaldsró á bæjarskrifstofunni og flokksráðnu starfsmennirnir hrokkið upp af værum blundi eftir 20 ára íhaldssvefn. Og það er heldur enginn glæpur, nema í augum sjálfstæðismanna, að vekja fólk upp af íhaldsdái; slíkur gjörningur flokkast fyrst og fremst undir góðverk sem ber að þakka. En sem betur fer er til fleira hæft fólk til skrifstofustarfa en staurblindur íhaldslýður. 

Það er svo kapítuli út af fyrir sig að blaðamenn 24 stunda skuli ekki hafa náð á félaga Sigurð Magnússon áður en ,,fréttin" fór í vinnslu. Ætli þeir hafi hringt í skakkt númer?  

Bæjarskrifstofan: Starfsfólk á flótta

Athugasemdir

[Sveinn Ingi Lýðsson, 27.2.2008 kl. 09:18]

Hvernig stendur þá á því að þeir sem Sigurður ræður eru líka að hrökklast burtu.

Þrátt fyrir langa stjórn Sjálfstæðismanna á Álftanesi þá höfðu þeir gæfu til að hafa utanaðkomandi fagmann við stjórnvölinn.  Ég þekki persónulega suma þeirra sem hafa hætt og ekki eru þeir sjálfstæðismenn.  Svo mikið er víst. 

[corvus corax, 27.2.2008 kl. 11:13]

það er ljóst að það þarf að finna mann með samskiptahæfileika í bæjarstjórastöðuna ef á að vera eitthvert vit í þessu, a.m.k. virðist núverandi bæjarstjóri ekki hafa snefil af samskiptahæfileikum. Og að svara ekki í síma er ekki einskorðað við pólitíkusa. Það er haft eftir fyrrverandi formanni stjórnar skíðasvæðanna að framkvæmdastjórinn í Bláfjöllum svari ekki hringingum frá símanúmerum sem hann þekkir ekki! Athyglisvert um mann í slíkri stöðu. Og einnig lét hann fjarlægja merkingar af opinberum vinnubílum skíðasvæðanna til að ekki sæist að stjórnendur skíðasvæðanna væru að nota þá í eigin þágu.

[Ásthildur Cesil Þórðardóttir, 27.2.2008 kl. 11:37]

Það er stundum erfitt að vera númer eitt

[Ásgrímur Hartmannsson, 27.2.2008 kl. 12:28]

Þessi Björn Steinar sem var ráðinn af félaga Sigurði sjálfum entist ekki nema 9 mánuði.  Þar með talinn uppsagnarfrestur.

Siggi kommi er vandinn, ekki óvinur þinn íhaldið.