Hannes lagður í svívirðilegt einelti

Nú þykir mér heldur saxast á limina hans Björns míns. Ef minn skilningur er réttur, þá er Kristín háskólarektor að ýja að því að best færi á að svipta hinn frjálshuga Hanez Holmstone prófessor prófessorstign sinni við Háskóla Íslans og reka hann burt af háskólalóðinni með skít og skömm. Þvílík fjandans hneisa. Er virkilega ekki nóg að Hanez hafi verið dæmdur, áreiðanlega saklaus, til hárra fébóta fyrir ritstuld, auk þess að hafa Jón Ólafsson fésýslumann á hælunum, svo ekki bætist við brottrekstur og atvinnumissir? Það er náttúrlega algjör fásinna, að einn ríkisrekinn frjálshyggjumaður, fari að mæla göturnar á atvinnuleysisbótum. Svona smáskítsleg frakoma við Íslands besta son er ekkert annað fyrirlitlegt einelti. Og einelti er ruddalegur ofbeldisglæpur eins og allir heiðarlegir og góðgjarnir menn vita. 

HÍ lítur dóm yfir prófessor alvarlegum augum

Athugasemdir

[Níels A. Ársælsson., 14.3.2008 kl. 22:14]

Réttast væri að spyrða kvikindin saman, Hannes Hólmstein og Ragnar Árnason og kasta þeim yfir lunningu Háskólans.

Ekki má gleyma áliti Mannréttindanefndar Sameinuðu þjóðana þegar fjallað er um þessa tvo helstu frömuði kvótakerfisins.

[Guðjón Sigþór Jensson, 14.3.2008 kl. 22:25]

Frá því að Hannes þessi var að tilstuðlan Sverris Hermanssonar þáverandi menntamálaráðherra  settur á sínum tíma kennari við Félagsvísindadeild að oft hafi staðið mikill styrr um hann og ráðningu hans að Háskólanum.

Því er ekki nein forundrun að oft hafi verið vafi á um hver sé raunveruleg staða hans innan samfélags Háskóla Íslands. Eitt af því sem Hannes gaf lítið fyrir voru kenningar þýska félagsfræðiprófessorsins og stjórnvitringsins Max Weber um hlutleysi vísindamannsins í samfélaginu gagnvart viðfangsefnum sínum og lesa má í kveri einu sem gefið var út fyrir nálægt 40 árum á íslenskri tungu að forlagi Hins íslenska bókmenntafélags.

Eigi er því undarlegt að sú gagnrýni sem fram hefur komið hitti Hannes þennan óþyrmilega núna fyrir að fara frjálslega um verk eins merkasta rithöfund Íslendinga fyrr og síðar og það ekki að ósekju.

Mosi 

[Níels A. Ársælsson., 14.3.2008 kl. 22:47]

Einmitt !

[Hljómsveitin LEXÍA, 14.3.2008 kl. 23:06]

Hannes hvað ? Kjaftfor íhaldsmaður sem má alveg missa sín. Reka hann strax. Þó ekki væri nema öðrum til viðvörunar. Búinn að fá nóg af þessu gæja.

[Ingibjörg Friðriksdóttir, 15.3.2008 kl. 00:26]

Ekki vera svona vondur við Hannes ræfilinn, hann á það ekki skilið, maðurinn búinn að skemmta þjóðinni um árabil.

[Helga Guðrún Eiríksdóttir, 15.3.2008 kl. 02:46]

Sarcasm is a beautiful thing!

[Kjartan Pétur Sigurðsson, 15.3.2008 kl. 07:21]

Spurning um að vekja athyggli þína á þessari frétt :)

Frétt á eyjan.is um Styrmi Gunnarsson

Greinina má svo finna hér á eyjan.is:

[Áddni, 15.3.2008 kl. 10:26]

Góð færsla! Svona á kaldhæðni að vera :)

[Margrét Össurardóttir (IP-tala skráð) 15.3.2008 kl. 10:48]

Þó svo Hannes greyjið missi vinnuna hljóta allir hans vinir ( Dabbi &co) að leggjast á eitt um að finna honum eitthvað til dundurs, trúi ekki öðru. Ég kíkti nú í þessa bók á sínum tíma of fannst hann fara heldur frjálslega með heimildir sínar svo þessi dómur kemur ekki á óvart. Einnig hefur hann mátt líka alveg huga að kjammanum á sér þar sem hann hefur farið full frjálslega með álit sitt á Jóni Ólafs .m.a.

[Auðun Gíslason, 15.3.2008 kl. 10:58]

Var það ekki Ólafur G. Einarsson, þáverandi menntamálaráðherra, sem setti stól undir Hannes á Mela-Kleppi?  Svona eitt lítið smáatriði.  Óþarfi að klína því á Sverri?

[Hafsteinn Viðar Ásgeirsson, 15.3.2008 kl. 11:29]

Svívirðilegt einelti er auðvitað rétta lýsingin á þessari meðferð á "einum ríkisreknum frjálshyggjumanni" það hlítur allt "réttsýnt" fólk að sjá. En vonandi leggst prof. Holmstone eitthvað til, úr bláu höndinni ef ekki vill betur til?