Óskiljanlegur stuðningur við flokksleysur

Ég er mest hissa á að flokksnefnurnar og flokksleysurnar sem eiga fulltrúa í borgarstjórn Reykjavíkur skuli yfirleitt fá einhvern stuðning í umræddri skoðanakönnun.

Þessi óvænti stuðningur hlýtur að liggja í einhverskonar óskhyggju þátttakenda þess efnis að flokksnefnurnar skipti um alla frambjóðendur á listum sínum þegar næst verður kosið, sem verður að telja afar ólíklegt.

Það er almennt mál manna, að borgarstjórn sú er nú situr í Ráðhúsi Reykjavíkur sé í algjörum sérflokki, umfram aðrar sem þar hafa búverkað, hvað afglapahátt og heimskupör varðar. Er nú svo komið að borgarstjórn Reykjavíkur, flaggskip sveitastjórna á Íslandi, er höfð að háði og spotti út um allar þorpagrundir og tilefni gamanmála. Meira að segja menn sem eru alkunnir fyrir húmorsleysi og durtshátt eru farnir að slá um sig með klunnalegum bröndurum um Ólaf F., Villa Vill, Svandísi Sendiherrans og Dag Ekkerts. Dýpra getur ein borgarstjórn ekki sokkið í drullufeni stjórnmálanna. 

Fylgi Sjálfstæðisflokks minnkar mikið í Reykjavík

Athugasemdir

[Óskar Arnórsson, 13.5.2008 kl. 20:16]

Er þessi mynd af Ríkisstjórninni tekin nýlega?

[Jóhannes Ragnarsson, 13.5.2008 kl. 20:41]

Jájá, þessi mynd var tekin nýlega. Ágætis skilirí atarna.

[Ingibjörg Friðriksdóttir, 13.5.2008 kl. 22:38]

Jóhannes, þetta eru ungapar, enda bleikir í framan og allt.  þetta eru afkvæmi Ríkisstjórnarinnar.

[Vésteinn Valgarðsson, 14.5.2008 kl. 05:01]

Ég er nú ekki vanur að skila auðu í kosningum (þótt ég hafi gert það einu sinni), þótt ég sé utan stjórnmálaflokka. Það kann að vera röng hugsun; með því að kjósa skásta kostinn styrkir maður kannski bara ríkjandi ástand. Ekki það, að ég ímynda mér ekki að byltingin verði í kjörklefanum.