Hefnigjarnir höfðingjar

Af hverju ætli persónan Guðmundur G. Gunnarsson, oddviti sjálfstæðismanna á Álftanesi, vísi á buga að háttsemi hans kalli á vítur? Á hann við að forseti bæjarstjórnar sé að bera hann röngum sökum, eða hvað? En því er nú bara einnusinni þannig varið, að sjálfstæðismenn halda að þeir eigi allt og megi allt; þeir séu réttbornir til að stjórna öllu sem þeir vilja. Og fái þeir ekki að stjórna því sem þeir vilja stjórna, eru þessi grey öll af vilja gerð að hefna sín með öllum tiltækum ráðum, m.a. lygum og rógburði. Þannig virkar nú blessuð ,,Sjálfstæðisstefnan" þegar allt kemur til alls.

Bæjarfulltrúi víttur

Athugasemdir

[Sveinn Ingi Lýðsson, 23.5.2008 kl. 14:56]

Ekki get ég gert að því Jóhannes þó þú hafir fordóma gagnvart sjálfstæðismönnum.  Málið þarna snýst bara ekkert um flokkspólitískar línur.  Það snýst um spillta valdsmenn sem sætta sig ekki við að koma sínum málum fram án afskipta íbúanna. 

Þegar forseti bæjarstjórnar beitir sér persónulega og sem oddviti meirihlutans gegn aðila sem hafði ekki annað til saka unnið en kaupa lóð og ætla sér að byggja á henni fyrir þá einu sök að húsið myndi spilla útsýni hans...... já er þá ekki eitthvað að?

Þegar ríflegur meirihluti atkvæðisbærra íbúa sér ástæðu til að senda inn skrifleg mótmæli við því atriði auglýst aðalskipulags að leggja eigi umferðargötu nánast yfir skólalóð og loka annarri til að vinir þeirra geti grætt aðeins meira á fleiri lóðum.....er þá ekki eitthvað að?

Hver embættismaðurinn eftir annan er ráðinn til bæjarins en hrökklast svo úr starfi eftir skamman tíma....er þá ekki eitthvað að? 

Svona gæti ég haldið áfram upp að telja sem væri alltof langt mál í athugasemd.  Það er fjarri mér að allt sem sjálfstæðismenn gerðu í fyrri meirihluta hafi allt verið fullkomið, síður en svo.  Hins vegar var aðalkosningamál núverandi meirihluta að auka íbúalýðræði.  

Því hafa þeir snúið upp í andhverfu sína svo ekki sé fastar að orði komist.  Ég bý þarna og finnst eins og mörgum öðrum að við eigum ekki svona spillingarstjórn skilið.