16 þúsund dauðyfli og vandræðaskáld á Strútstúni

Það er hreint unaðslegt, að 16.000 manns hafi komið saman á Strútstúni í Kópavogi í dag til þess að láta bæjarstjórann hrauna yfir sig. Ef þetta er rétt, sem ég vona svo sannarlega ekki, er óhætt að segja að 16 þúsundir Kópavogsbúa kunni ekki að sjá sóma sinn, en séu þess í stað albúnir að hlaupa útá Strútstún til að kyssa vöndinn í hvert skipti sem bæjarstjórinn sveiflar svipunni. Ef kjósendur í Kópavogi eru almennt jafn mikil dauðyfli og vandræðaskáld og þessi 16 þúsund á Strútstúni, fær ekkert bjargað þeim frá að sitja uppi með bæjarstjórann Gunnar I. Birgisson til eilífðarnóns. En það er svo sem gott á þá, fyrst svona er í pottinn búið.  

16 þúsund manns á Rútstúni í Kópavogi

Athugasemdir

[Vilhjálmur Óli Valsson, 17.6.2008 kl. 23:36]

Ég fór með mína familíu á Rútstún og verð að viðurkenna að ég skildi ekki orð af því sem Gunnar Ingi sagði.

Það er spurning hvort bæjarstjórinn hafi látið fjölmiðla hafa prentað eintak af ræðu sinni en fólk almennt var ekki að safnast saman til að hlusta á hann heldur til að njóta veðurblíðunnar, skemmtiatriðanna og leiktækjanna.

[Gervigreindur, 18.6.2008 kl. 01:11]

Þetta hraun þitt yfir Kópavogsbúa ætti kanski hugsanlega smá rétt á sér ef þú kæmir ekki frá aðal krummaskurði landsins, Ólafsvík.

[Ester Júlía, 18.6.2008 kl. 06:57]

úps!  En gleðilegan þjóðhátíðardag samt sem áður ..betra seint en aldrei .