Hreindýradráp montrassa í skemmtunarskyni

Hvort skyldi vera verra, eða betra, að leyfa sjómönnum að veiða 40 hrefnur, eins og hvert annað sjávarfang, eða montrössum og spjátrungum að skjóta 1333 hreindýr sér til skemmtunar?

Eru ekki hvalaskoðunarbændur og Árni Finnsson, ásamt krökkum og kjánum í VG, boðin og búin að stökkva, af einskærri náttúrunnar hugsjón, fyrir byssukjafta spjátrungana og stöðva þar með hreindýraveiðar í skemmtunarskyni? Það hefur að minnsta kosti ekki staðið á þessu liði að rífa kjaft útaf hvalveiðum í vísindaskyni og atvinnuskyni. 

Hreindýraveiðin hafin

Athugasemdir

[Eiríkur Ingvar Ingvarsson, 15.7.2008 kl. 19:05]

Þessi færsla þín einkennist af sorglega hroka.

[Jóhannes Ragnarsson, 15.7.2008 kl. 19:09]

Hvaða hroki er það, Eiríkur minn, sem þér finnst svona sorglegur?

[Rauða Ljónið, 15.7.2008 kl. 19:29]

Sæll. Jóhannes þetta er rétt há þér, sammála.

[Jóhannes Ragnarsson, 15.7.2008 kl. 19:39]

Því miður, Rauða Ljón, þá held ég að það sé eitthvað til í þessu hjá mér. Og sem ég sit hér við tölvuna og pikka, kemur orðið ,,tvískinnungur" upp ú hugann, hvernig ætli standi á því?

[Rauða Ljónið, 15.7.2008 kl. 19:58]

Sæll. Aftur  ,,tvískinnungur" það er sama og mér finnst og hef lengi fundið og haft orð á því.

Kv. Sigurjón Vigfússon 

[Haraldur Bjarnason, 15.7.2008 kl. 21:58]

Auðvitað þarf bæði að veiða hrefnur og hreindýr Jói. Halda þarf jafnvægi í báðum stofnum. Hreindýrakvótinn tekur mið af því að halda stofninum í um 4.000 dýrum að mig minnir. Hvert formið er á veiðunum er annað mál en "montrassarnir" borga fullt af peningum fyrir þetta, sem ríkið, bændur, leiðsögumenn og ferðaþjónustufólk njóta góðs af. Er það ekki örugglega eins með hrefnuveiðiútgerðarmenn eins og aðra sægreifa að ríkið afhendir þeim kvótann án endurgjalds?