Upphaf vopnaðrar uppreisnar í Kópavogi

Já, já, mikil er vonskan í veröldinni fyrst þeir eru farnir að skjóta á strætisvagna í Kópavogi, svona eins og þeir gera í Palestínu og Írak. Það má mikið vera ef þessi vinnubrögð eru ekki byrjunin á vopnaðri uppreisn þarna suðurfrá. Ef svo er, eru ekki bara vagnstjórar og farþegar þeirra í stórhættu, heldur hljóta böndin fljótlega að berast að yfivöldum Kópavogs. Ekki þarf mikið hugmyndaflug til að sjá fyrir sér að skæruliðarnir leggi til atlögu við sjálfan borgarstjóra Kópavogs og reyni, sem Guð forði okkur frá, að koma honum fyrir kattarnef. En svona í frómleika frá sagt, þá er margsannað, að það er mikið auðveldara að hitta stóra menn og digra með skotvopnum, að teygjubyssum og vatnsbyssum ekki undanskyldum. Með sömu rökum má til sanns vegar færa, að borgarstóri Kópavogs sé margfalt heppilegra skotmark fyrir klaufska skæruterrorista en borgarstjórinn í Reykjavík fyrir breiddarmunssakir. Ennfremur er það mikil kúnst að komast óhultur undan lúmskum og blóðþyrstum launmorðingjum, burt sé frá hver í hlut á.

Skotið á strætó

Athugasemdir

[Brynjar Jóhannsson, 25.7.2008 kl. 17:45]

Ég er ekki vanur að hneikslast yfir einhverju en þetta er eitthvað sem er algjörlega út í hött. Ég hef aldrei áður nokkurn tíman orðið vitni af jafn siðlausu athæfi hérlendis.

[Jóhannes Ragnarsson, 25.7.2008 kl. 18:03]

Undarlega gróft, vægt til orða tekið. Þeir eru a.m.k. ekki mjög skemmtanavandir þessir sem skutu á almenningsvagninn.