Friðrik er löghlýðinn borgari og því mun hann hlýða úrskurði Saving Iceland

Það sem kemur mér mest á óvart við sjálfsagt brottvísunarbréf Saving Iceland til Frikka Sóp er hve skamman tíma karlanginn fær til að hafa sig á brott. Hefði ég einhverju um ráðið, hefði ég farið milliveginn og gefið forstjóranum ráðrúm til klukkan 20.00 í kvöld að tína ofaní töskurnar. En úr því sem komið er, geri ég ráð fyrir að hr. Sópusson, sem er í öllu löghlýðinn borgari, verði búinn að rýma heimili sitt fyrir hádegi og lagður út í óvissuna.

Ég sé að nöldurseggurinn Þrymur Bergz Cæsarsson hefur látið sér sæma að nota bloggfrelsi sitt til að hreyta ónotum í félagið Saving Iceland, þrátt fyrir að félagsmenn þess vinni afar fórnfúst og óeigingjarnt starf í þágu Íslensku þjóðarinnar, semsé bókstaflega að bjarga henni frá drukknun. Fyrir mér má Þrymur Bergz Cæsarsson drekkja sér í einhverjum alúmíníumfúapyttinum eða annarri forarvilpu á vegum Landsvirkjunar, en það er samt ekki þar með sagt að allir aðrir vilji fara þá athyglisverðu leið. 

Afhentu Friðriki Sophussyni brottvísunarbréf

Athugasemdir

[Jóhannes Ragnarsson, 25.7.2008 kl. 18:07]

Hvað helvíti sefur forstjórinn lengi fram eftir. Hann ætti að temja sér að vakna fyrr á morgnana svo hann þurfi ekki að taka á móti brottvísunum á náttsloppnum.

Ætli margnefndur fundur með Saving Iceland hafi ekki fallið niður af því að forstjóri Landsvirkjunar svaf yfir sig? Best gæti ég trúað því.