Hvernig verður skjöldótt mjólkurkýr að hrossi?

Nú þykir mér þeir hafa verið heldur betur fullir þarna í Húnavatnssýslunni, að þekkja ekki nautgrip frá hrossi. Kunningi minn einn, grandvar, sannleikselskandi og þekktur fyrir að hafa aldrei bragðað neitt sterkara en blávatn, sem var svo heppinn að verða vitni að þessu atviki sem mbl.is fjallar um, sagði mér í morgun, að skepnan sem stangaði manninn við Vatnsdalshóla hafi svo sannarlega ekki verið af neinu góðhestakyni heldur skjöldótt mjólkurkýr í afleitu skapi. Kunningja mínum er að sjálfsögðu gjörsamlega hulið hvernig á því stendur að dýrafræðikunnáttu fólks hefur hrakað eins og raun ber vitni, en hann er gamall barnakennari og hefur starfað að menntamálum samfleytt í hálfa öld. 

Hestur hljóp á mann

Athugasemdir

[Bumba, 16.8.2008 kl. 10:31]

Já fyndið, en fyndnara finnst mér fyrirsögnin, auðvitað ætti hún að vera: Hvernig verður skjöldótt mjólkurKÝR  að hrossi? Þú skrifar þetta í nefnifalli er ekki svo, ekki þolfalli. Með beztu kveðju.

[Jóhannes Ragnarsson, 16.8.2008 kl. 10:37]

Rétt hjá þér Bumba. Leiðrétti fyrirsögnina hið snarasta.

[Bumba, 16.8.2008 kl. 10:45]

Gott að heyra kappinn. Stinga stundum í augun ýmsar stafsetningarvillur og tek ég mér það bessaleyfi að leiðrétta þær hafi ég vit á því. En nógu er pistillinn þinn fyndinn minn kæri. Með beztu kveðju.

[Sigurbjörn Friðriksson, 16.8.2008 kl. 20:25]

´

Kýr, belja hestur eða hross.

Ég man ekki eftir einu einasta tilfelli þar sem hestur hefur hlaupið á mann, nema: í hestaréttum eða annar maður hefur setið á baki og stjórnað hestinum.

Hestar hlaupa ekki niður menn, ekki einu sinni börn.  Þetta er alþekkt staðreynd út um allan heim, nema í Hollýwood og Reykjavík þar sem vitleysingjarnir búa.

Kær kveðja, Björn bóndiïJð<