Kom að konu sinni á stofugólfinu í örmum annars manns

Þó það komi uppboði og handboltatreyju og öðrum slíkum fíflagangi ekkert við, finnst mér nauðsynlegt að koma því að þegar Kolbeinn Kolbeinsson stóð konu sína, frú Ingveldi, að verki í örmum annars manns. Þessi atburður gerðist uppúr hádegi í miðri viku, en Kolbeinn hafði fengið skitupest og ólgandi niðurgang vinnunni og því orðið að fara heim. Þið getið rétt ímyndað ykkur, lesendur góðir, hvað Kolbeini varð bylt við þegar hann, jafn helsjúkur og hann var, kom að konu sinni og félaga hennar spriklandi á stofugólfinu og höfðu gleymt að læsa útidyrahurðinni bölvaðir bjánarnir. Frú Ingveldur dó samt ekki ráðalaus á þessari ögurstund, heldur snaraðist berrössuð á fætur og teymdi Klbein eins og afsláttarklár út í bílskúr og sagði honum að bíða þar, hún væri hvort eð er alveg að verða búin á stofugólfinu og henni dytti ekki í hug að hlaupa frá hálfkláruðu verki bara til þess að hjúkra honum, slíkur aumingi sem hann væri. Eftir þetta lá Kolbeinn lengi rúmfastur og fór með bænirnar sínar í belg og biðu, en þær bænir voru að uppistöðu argasta guðlast, tvinnað saman úr bölvi, klámi og formælingum og emjaðar fram með ósviknum grátstaf og ekkasogum. Þegar Kolbeinn komst loks til vinnu á ný, var búið að lækka hann í tign og skerða laun hans sem því nam. Það má því segja að Kolbeinn hafi uppskorið eins og hann sáði til.

Treyja Ólafs fór á milljón

Athugasemdir

[Ingibjörg Friðriksdóttir, 2.9.2008 kl. 19:56]

Það er spurning um hver drulli yfir hvern?

[Jóhannes Ragnarsson, 2.9.2008 kl. 20:17]

Ójá, samskipti sæmdarhjónanna, Kolbeins og frú Ingveldar eru þessháttar flókin og hryggileg að ógerningur er að komast til botns í nokkru einasta einstöku atriði í þeim hrærigraut. En á heildina litið eru þau þeirrar tegundar útávið, að sómakært fólk ber fyrir þeim skilyrðislausa virðingu - nema hvað? Spurningunni, hver hafi drullað yfir hvern í þessu tilfelli, get ég ekki svarað.

[Ingibjörg Friðriksdóttir, 2.9.2008 kl. 20:27]

Mér finnst þetta fjári andskotans góð samlíking á mörgu hjónabandinu, sem á að heita svo helvíti góð og glóandi.

[Ingibjörg Friðriksdóttir, 2.9.2008 kl. 20:28]

Jóhannes, þú ert bara drullugóður!