Líkræða séra Gjeirs yfir frjálshyggjunni

Hún var falleg líkræðan sem séra Gjeir Haaarde flutti á öldum ljósvakans áðan. Þó var sá galli á ræðunni, að ekki var beinlínis hægt að henda reiður á af hverjum líkið er, sem séra Gjeir var að jarðsyngja; hann sýndi nefnilega ekki ofan í kistuna. Þó má vel geta sér til um líkræðan hafi verið ætluð nýfjálshyggjunni sem riðið hefur húsum á Íslandi um árabil eins og hortugur draugur. Svo getur líka veið að Gjeir hafi fyrst og fremst verið að kistuleggja einhverja bankaskratta sem búnir eru að liggja heiladauðir um hríð.

Á næstu mínútum mun séra Gjeir opna kistuna og leyfa aðstandendum að líta hræið sem í henni liggur, vonandi í hinsta sinn.

Neyðarlög sett í dag

Athugasemdir

[Himmalingur, 6.10.2008 kl. 17:20]

AMEN!!!!!!!!!!!!!

[Hansína Hafsteinsdóttir, 6.10.2008 kl. 20:43]

Sama af hverjum eða hverju líkið er. Íslensk alþýða greiðir fyrir kistulagninguna, jarðarförina og líka veglega erfidrykkju fyrir nokkra útvalda, án þess að vera boðið upp á svo mikið sem molakaffi.

[Ólafur Þórðarson, 7.10.2008 kl. 00:52]

Íslensk alþýða ER líkið. Sérstaklega þeir sem minnst mega sín og eru með rífleg húsnæðislán.