Þegar blásturinn einn er eftir

Þá bévítis grísirnir höfðu lokað sig inni, blés úlfurinn húsakynnum þeirra um koll og át þá. En þegar úlfurinn heimsótti grísinn í steinhúsinu dugðu engir blástrar, hvæs og fnæs, kumbaldinn bifaðist ekki hvernig sem úlfurinn blés og blés.

Nú er að vona að ekki fari fyrir Jóhönnu okkar eins og úlfinum og henni takist að blása grísunum þremur útúr steinkastalanum við Kalkofnsveg.

Blæs á tal um pólitískar hreinsanir

Athugasemdir

[halkatla, 6.2.2009 kl. 22:23]

Jóhanna er dreki, ekki úlfur.

[Jóhannes Ragnarsson, 6.2.2009 kl. 22:42]

Hún er máske úlfdreki?

[Þórbergur Torfason, 7.2.2009 kl. 03:49]

Ja hérna Jói. Góð samlíking og sígild.

Svörtuloft eru sterkleg að sjá, gríðarleg veggþykkt en Jóhanna að sama skapi hin mesta písl.

Heldurðu að lungu hennar dugi í þessar aflraunir?

[Jóhannes Ragnarsson, 7.2.2009 kl. 13:07]

Ég er ekki viss um að lungun hennar Jóhönnu séu nægilega öflug til mikilla stórræða; mér hefur heyrst hún vera orðin svo andstutt í seinni tíð, sérílagi þegar hún er að halda langar ræður í þinginu.