Með hvaða líkamsparti er Margrét vön að anda?

Hún ætlar að anda með nefinu, þingskörungurinn Margrét Tryggvadóttir, áður en hún segir af eða á með hvort hún segir óbreyttum dátum í Borgarahreyfingunni að fara til andskotans eða ekki. Þessi áhugaverða afstaða þingskörungsins vekur upp þá áleitnu spurningu hvort hann sé vanur að anda með einhverjum öðrum líkamsparti en nefinu og þá nákvæmlega hvaða líkamsparti. Það má svo sem vera að stjórnmálaljónynjan Margrét hafi vanið sig á að anda með munninum, jafnvel frá frumbernsku, og standi þá gjarnan á öndinni, másandi og blásandi útum munnsöfnuðinn með tunguna útúr og augun í kross. Slíkur framgangsmáti er ekki þingmanni sæmandi, svo mikið er víst. En hvað sem því líður, hefi ég samt illan og ísmeygilegan grun um að öndunarmál þingskörunga Borgaraflokksins séu í argasta ólestri og fari hvorki fram um munn eða nef. Enda er andi þessara merku borgara ekki þess eðlis að hann fari fram um hefðbundin öndunarfæri. Ónei, þar eru einhver önnur lögmál í gangi en gengur og gerist.

Eina ráðið sem ég get gefið borgarflokksþingmönnum er að hætta öllum fíflagangi og drífa sig strax heim í Framsóknar- og Sjálfstæðisflokkinn og hafa Þráinn með sér. Og það vill saman sem saman á og við því er ekkert að gera.

 

Tíðinda að vænta í vikunni

Athugasemdir

[Guðbjörn Jónsson, 14.9.2009 kl. 16:54]

Líður þér betur eftir að hafa ausið óhróðri yfir aðra? Ósköp hlýtur þú að vera með mikið af inni byrgðri vanlíðan.

[Finnur Bárðarson, 14.9.2009 kl. 16:57]

ég sé húmorinn í þessari færslu en að vísu svolítið grár :)

[brahim, 14.9.2009 kl. 17:04]

Ekki mjög smekkleg fyrirsögn né það sem kemur fram í síðustu línum fyrstu (löngu) málsgreinar.

[Jóhannes Ragnarsson, 14.9.2009 kl. 17:06]

Neinei, er nú ekki nema Guðbjörn Jónsson raknaður úr rotinu, ferskur af sinni víðfrægu félagavellíðan.

[Steingrímur Helgason, 15.9.2009 kl. 00:45]

Ég fer alltaf ferzkari í anda með zkítaglott á vör eftir leztur hjá þér Jói.