Jóhannes Ragnarsson

23.10.2009 | 11:33

Þegar Gjeir lá ósjálfbjarga í frjálshyggjusvaðinu fór Bjarni á stúfana

Og ætlaði aumingja kallinn hann Bjarni litli Ben að bjóða sig fram á móti Gjeir Haaarde? Hefur ætlað að láta kné fylgja kviði þegar Gjeir lá ósjálfbjarga í frjálshyggjusvaðinu. Þessar aðfarir Bjarna minna á manninn sem hjó hausinn af sofandi manni af því hann lá svo vel við höggi. Já, þeir kunna fræðin sín frjálshyggjuhvolparnir úr Valhöll, ekki ber á öðru.

Hinsvegar er skrýtnara en allt sem skrýtið er, að fylgjast með frjálshyggjutittum Sjálfstæðisflokksins sem enn eiga sæti á Alþingi. Uppúr pestardrullupolli efnahagshruns og stórbrotinnar spillingar emja þessi grey og spangóla eins og halaklipptir hundar og reyna af fremsta megni að telja fólki trú um að þau séu hvítþvegnir englar, saklaus af öllu misjöfnu úr fortíðinni.

Hvað höfum við að gera með stjórnmálaflokk sem er borinn uppi af hrunadönsurum eins og Bjarna Ben, Torgerði Katrínu, Illuga Gunnarssyni, Tryggva Þór Herbertssyni, Pétri Blöndal, Einari Kr. og Árna Johnsen? Dettur ef til vill einhverjum í hug að taka svona herdeild alvarlega? Fyrir hvað stendur þetta fólk í raun og veru umfram græðgi, spillingu og andsamfélagslega stjórnmálastefnu?

Það væri mikið þjóðþrifaverk að leggja Sjálfstæðisflokkinn niður og banna starfsemi hans. Slíkt er gert við öfga-hægriflokka í nálægum löndum og hefur gefist ágætlega.

	„Átti bara að vera okkar á milli“
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Var ekki svipað uppi á teningnum þegar Davíð fór gegn Þorsteini æskuvini sínum og feldi hann, þegar hann átti í vök að verjast.

Axel Jóhann Hallgrímsson, 23.10.2009 kl. 12:35

Þetta er svipað og mín tilfinning um þennan flokk. Nema ofboðslega vel orðað. Ég þori ekki að taka svona sterkt til orða. Það er oft svo margir MJÖG ósammála og kannski úthrópa mann fyrir vikið. Engu að síður mikið rétt.

Kjarri thaiiceland, 23.10.2009 kl. 13:16